Partia Demokratike ka miratuar dje ngritjen e Kuvendit paralel në selinë e Partisë Demokratike, bën të ditur Shqiptarja. Në mbledhjen e Kryesisë, të zhvilluar dje në PD-së, kreu i demokratëve Lulzim Basha ka miratuar vendimin për ngritjen e tetë komisioneve parlamentare brenda selisë së demokratëve.

Grupet e punës do të përbëhen nga anëtarët e komisioneve përkatëse parlamentare në tërësinë e grupit parlamentar, ku do të punohet në mënyrë sistematike çdo ditë për t’iu përgjigjur mazhorancës.

Këto komisione do të ndjekin çështjet e përditshme, ligjet apo vendimet që Qeveria apo deputetët e shumicës parlamentare do të kalojnë për shqyrtim në Kuvendin e Shqipërisë. E gjithë kjo do të zgjasë deri në momentin kur jeta parlamentare do të kthehet në normalitet edhe opozita të ulet sërish në karriget e saj në parlament, transmeton Koha.

Komisionet

Brenda selisë së Partisë Demokratike do të ngrihen 8 komisione të cilat do të funksionojnë edhe si departamente. Çdo ligj që Kuvendi do të ketë nën shqyrtim do të kaloi edhe nën lupën e deputetëve të opozitës në selinë e PD-së. Këto komisione do të kenë kryetarin e tyre si edhe anëtarët të cilët do të japin mendime për çdo projektligj që do të miratohet në Kuvend nga shumica parlamentare. Veç kësaj, nën shqyrtim demokratët do të marrin edhe vendimet e qeverisë në çdo mbledhje të grupi parlamentar duke futur nën sitën e opozitës çdo aktivitet të qeverisë dhe parlamentit duke krijuar edhe struktura paralele me shtetin.

Deputetët do të akomodohen në selinë e PD-së e cila tani më ka përfunduar rindërtimin dhe mbledhjet do të zhvillohen në katin e parë të godinës së demokratëve. Mbledhjen do të jenë të hapura për mediat çka do të thotë se një projektligj i qeverisë tani më do të shqyrtohet në dy komisione dhe sipas të gjitha gjasave do të dalin dy vendime. Deputetët e mazhorancës në Kuvend do të miratojnë ligjet ndërsa deputetët e opozitës në selinë e demokratëve do t’i rrëzojnë ato me argumentet e tyre.
Referendumet

Partia Demokratike ka miratuar dje edhe vendimin për ngritjen e strukturave në të gjitha qarqet e vendit për të mbledhur firmat për referendumet lokale. Sipas burimeve nga selia blu, për çdo komunë apo bashki që ka kundërshtuar ndarjen e re administrative do të ngrihet nga një zyrë e cila do të kryesohet nga demokratët si edhe nga grupi i punë për të mbledhur firmat e nevojshme për të zhvilluar referendumet lokale. Krahas njësive vendore që drejtohen nga demokratët, Basha i ka bërë ftesë edhe të zgjedhurve vendore të Partisë Demokratike të cilët kanë kundërshtuar ndarjen e re administrative në mënyrë që kjo nismë të intensifikohet sa më shumë.

Dallimet edhe më të mëdha janë te çështjet si poligamia, vrasjet e nderit, mbytja me gurë për tradhti bashkëshortore etj.

Instituti amerikan për hulumtimin e opinionit publik “Pew” prej vitesh realizon sondazhe reprezentative në vendet me kulturë myslimane. Dhe këto sondazhe tregojnë se sa shumë dallime ka në mesin e këtyre vendeve. Kështu, pyetjes se a ka të drejtë femra të vendosë vetë për bartjen ose mosbartjen e shamisë, 87 për qind e meshkujve myslimanë të Kosovës dhe të Tunizisë i kanë dhënë përgjigje pozitive.

Por myslimanët nga Egjipti Irani dhe Afganistani mendojnë ndryshe. Atje vetëm 38 deri në 40 për qind të meshkujve ua njohin femrave të drejtën për të vendosur vetë.

Dallimet edhe më të mëdha janë te çështjet si poligamia, vrasjet e nderit, mbytja me gurë për tradhti bashkëshortore etj.

85 për qind e myslimanëve boshnjakë dhe 76 për qind të atyre tunizianë e konsiderojnë poligaminë të pamoralshme. Por në Jordani, të tillë e konsiderojnë vetëm 5 për qind ndërsa në Egjipt 6 për qind.

“Vrasjet e nderit” i hedhin poshtë pa përjashtim 83 për qind të myslimanëve të Kazakistanit dhe të Indonezisë, por vetëm 24 për qind të atyre të Afganistanit, transmeton albinfo.ch.

60 për qind e meshkujve myslimanë të Egjiptit janë shprehur në favor të mbytjes me gurë si dënim për tradhti bashkëshortore. Ndërkohë që te myslimanët turq kjo përqindje është vetëm 3 për qind.

Dallimet në botën myslimane janë mjaft të mëdha edhe sa i përket dënimit për myslimanët që braktisin fenë e tyre. 63 për qind e egjiptianëve dhe e pakistanezëve e arsyetojnë dënimin me vdekje për një veprim të tillë, shkruan diepresse.at.

Në të njëjtën kohë në Shqipëri dhe në Kazakistan janë vetëm 1 për qind ata që mendojnë se ky dënim është i arsyeshëm.

Një femër britanike e konvertuar në xhihad dëshiron ‘kokën’ e kryeministrit britanik David Cameron. “Për luftën që u ka shpallur myslimanëve do të doja kokën e tij mbi një gozhdë”, shprehet një vajzë 18 vjec xhihadiste e cila besohet se ndodhet në shtetin ISIS, në Raqqa, verilindje të Sirisë, transmeton BW.

Ajo madje pohon se nuk i bëhet vonë nëse do i hiqej shtetësia britanike pas këtij kërcënimi ndaj kryeministrit britanik.

Në Twitter vajza shkruan “’In sha Allah, me vullnetin e Zotit, do të vijë dhe dita kur të shoh kokën e Cameron mbi një gozhë”.

Vajza që mban pseudonimin @UmmKhattab_, poston dhe foton e saj, ku shfaqet me veshje me të zeza dhe më një armë në krah.

Në Britani, tanimë është kthyer në shqetësim të madh konvertimi i një numri të madh qytetarësh në xhihad, fenomen që nisi u shfaq menjëherë pas luftës në Siri. Shumë të rinj e të reja kanë braktisur familjet e tyre në Britani dhe kanë shkuar të luftojnë kundër ushtrisë në Siri.

Në Maqedoni nuk ka rrezik nga virusi i Ebolas, ka informuar Klinika për Sëmundje Infektive në Shkup, transmeton INA.

Shqetësimi ka ardhur pasi që gjatë fundjavës dy studentë nigerian janë izoluar nga Aeroporti i Shkupit, me dyshimin se tek ta ishin vërejtur simptomet e virusit vdekjeprurës afrikan.

Dy studentët kanë qenë vetëm me temperaturë të lartë dhe se pas analizave është konstatuar se ata janë në gjendje të mirë shëndetësore.

“Studentët janë ankuar dhe se pas kontrollit nuk është zbuluar ndonjë infektim apo virus”, theksoi prof.dr. Snezana Stojanovska nga Klinika Infektive. Studentët nigerian po studjojnë në Universitetin “Shën Apostol Pavle” në Ohër.

Virusi vdekjeprurës ebola po merrë përmasa të rrezikshme, duke rritur numrin e viktimave që humbin jetën nga infektimi permanent.