UNMIK-u ua ‘mohoi të drejtën për jetë’ jo pak kosovarëve, është një nga akuzat e rënda që i bëhen misionit të OKB-së në Kosovë, i cili për gati 9 vjet e udhëhoqi Kosovën.

Raporti vjetor i Panelit Këshillimor për të Drejtat e Njeriut ripërsërit akuzën e rëndë ndaj misionit të OKB-së në Kosovë e bën kryesisht në raport me dështimin e këtij misioni që të mbrojë kosovarët që u vranë pas luftës, të hetojë si duhet rastet e tilla dhe në fund të paguaj për shkeljet e të drejtave të njeriut që i bëri stafi i këtij misioni.
UNMIK-u, siç transmeton qik-u, akuzohet edhe për zhdukje të raporteve të hetimeve që i kanë kryer.

Raporti i fundit i këtij Paneli vlerëson se nga qershori i vitit 1999 deri në dhjetor të vitit 2008, policia e UNMIK-ut dhe prokurorët ndërkombëtarë të cilët kishin për detyrë të hetojnë krimet sipas të drejtës ndërkombëtare nuk kanë arritur që ta bëjnë një hetim të shpejt, efektiv, të pavarur, të paanshëm dhe të plotë madje shumica prej raporteve të tyre kanë përfunduar si të zhdukura.

Madje ky raport shtonë se UNMIKU ka dështuar edhe në kompensimin e të dëmtuarve të cilët janë ankuar se u janë shkelur të drejtat.
Raporti i Amnesty International ka theksuar poashtu se argumentet e UNMIKU-ut që të shpjegojnë se përse ata nuk i kanë paguar mjetet e obliguara personave të cilët janë ankuar se u janë shkelur të drejtat e njeriut në kundërshtim me rekomandimet e Panelit të UNMIK-ut.

Amnesty International e ka konsideruar këtë përgjigje si një përpjekje të jashtëzakonshme nga UNMIK-u për për të mohuar përgjegjësinë e saj në shkeljen e të drejtave të njeriut në Kosovë pasi që vet UNMIKU ishte krijuar për të mbështetur këta persona dhe ka qenë e detyruar ta respektojë këtë gjë.

527 ankesa të shkeljes së të drejtave të njeriut nga UNIMK-u
Raporti i vitit 2013 i Këshillit të Drejtave të Njeriut respektivisht paneli shqyrtues ka kaluar nëpër duartë e veta gjatë një viti 527 raste në 11 seancat e saj të mbajtura. Nga 527 ankesa deri më tani 342 raste tashmë janë mbyllur ndërsa 185 mbeten ende të hapura. Shumë prej këtyre ankesave janë parë si të pranueshme nga Paneli i Këshillit të Drejtave të Njeriut ndërsa ka pasur prej tyre edhe të cilat janë refuzuar pa bazë ankese.

UNMIK-u nuk do të paguajë për shkeljet e saj

UNIMIK-u nuk do të kompensoj personat të cilat janë ankuar se u janë shkelur të drejtat e tyre nga ky mision. UNMIK-u ka thënë se tashmë misioni i tyre ka përfunduar në Kosovë dhe se përgjegjësia për të kompensuar të dëmtuarit ka kaluar në qeversijet lokale në Kosovë. Megjithatë me këtë nuk është pajtuar Amnesty International e cila e ka thënë se obligimi për këto kompensime bie mbi vet UNMIK-un.

“Ishte padyshim policia e UNIMK-ut më shumë se e autoriteteve të Kosovës të cilët janë marrë me hetimet e rasteve të personave të zhdukur. Kështu që oblimi për kompensimin për dështimin e tyre për ta bërë këtë gjë bie mbi vet UNMIK-un”, thuhet në rasportin e Amnesty International,transmeton Koha .net

Me raportin e Amnesty International është pajtuar edhe paneli i Këshillit për të Drejtat e Njeriut të cilët kanë shtuar se nuk e shohin se si obligimi i UNMIK-ut për të paguar kompensimin e të dëmtuarve ka ndonjë lidhje me autoritetet lokale pasi që UNMIK-u ka pasur një kontroll ekskluziv mbi administratën publike. Kështu që pasi që të drejtat e njeriut janë shkelur nga personeli i UNMIK-ut, duhet të jetë po kjo administratë e cila do të paguaj kompensimet.

Kryetari i Kuvendit, Jakup Krasnqi ka reaguar ndaj deklaratës së presidentit çek, Milosh Zeman, i cili ka thënë se krijimi i FAK-ut nuk është asgjë më shumë se riarmatosje e UÇK-së, ndërsa shton se Kosova është shtet nën ndikim të narko-mafisë?!
“Me deklarimet tuaja, s’bëre gjë tjetër veçse në mesin e njerëzve që kanë faje të renda gjenocidale, terroriste e banditeske, tregove harbutërinë tuaj kriminale”, shkruan Krasniqi në rrjetin social Facebook.

Krasniqi madje ia kujton atij se Çekia është vend anëtar i BE-së dhe se ai nuk guxon të flasë në këtë mënyrë, pasi BE-ja është bashkim i shteteve që shquhen për vlera kulturore, për humanizëm, drejtësi e mirëkuptim

“Mënyra sesi po flisni në vendin e krimit, në mesin e njerëzve që kanë komanduar edhe grupe paramilitare, grupe që i kanë bërë krimet më monstruoze në Kroaci, Bosnje e Hercegovinë dhe Kosovë, me të cilat krime hije të zezë i qiten edhe Evropës, tregon se shpirti dhe mendja e juaj është e helmuar dhe e kriminalizuar me gjenocidin e bandave te Milosheviqit e të pushtetit të tij me kryeqytet Beogradin”.

Edhe pararendësi i Zemanit, Vaclav Klaus ishte kategorikisht kundër pavarësisë së Kosovës. Madje ai ka refuzuar të dekretrojë ambasdorin çek në Kosovë.

Nëse ndryshimet kushtetuese marrin vota të mjaftueshme në Kuvend, atëherë Kosova brenda dy javësh do t’i zyrtarizojë Forcat e Armatosura të Kosovës.
Amendamentet për këtë çështje janë në përputhje me Kushtetutën, ndërsa vetëm nevojiten 2/3 e votave të deputetëve, duke përfshirë edhe ato të minoritarëve.

Këta të fundit kërcënojnë sërish se nuk do të votojnë për FAK’un, nëse nuk u vazhdohen mandatet e vendeve të rezervuara, shkruan Tribuna.

Amendamentet e Qeverisë kanë marrë “izën” e Gjykatës Kushtetuese dhe të njëjtat pritet të dërgohen zyrtarisht në Kuvendin e Kosovës e të procedohen në votim.

Prej 15 qershorit, shefi i Prokurorisë Speciale të Republikës së Kosovës Jonathan Ratel, do të jetë shef në shkuarje i organit që ka përgjegjësinë kryesore të luftimit të krimeve serioze në vend. Në panelet e gjykatave, që nga mesi i qershorit nuk do të jenë më dy gjyqtarë të EULEX-it dhe një gjyqtar vendës. Përbërja do të ndryshojë në favor të kosovarëve, duke bërë që panelet të përbëhen nga dy gjyqtarë vendës dhe një ndërkombëtar.

Këto janë ta arriturat e vetme të palës kosovare në dialogun me BE-në për heqjen e mandatit ekzekutiv të EULEX-it. Prokurorët ndërkombëtarë do të vazhdojnë të kenë mandat ekzekutiv, por për të marrë një rast të ri do t’u duhet besimi i shefit të tyre kosovar. Të gjitha ndryshimet tjera të planifikuara për misionin më të madh që ka pasur BE-ja ndonjëherë në një vend jashtë unionit, kanë dalë të jenë të pamundshme.

EULEX-i do të vazhdojë të jetë mision i madh edhe pas qershorit, pasi që reduktimi do të jetë minor, derisa nuk do të ndahet në tri njësi, ashtu siç qe planifikuar nga vetë ekspertët e BE-së që patën bërë një rishikim strategjik të misionit në fund të vitit të kaluar. Strategjia, të cilën përfaqësuesja e lartë e BE-së Catherine Ashton ua pati prezantuar shteteve anëtare dhe një kopje të së cilës pati arritur të publikoj gazeta Tribuna, planifikonte që EULEX-i të mos ishte më një mision i vetëm dhe që të ndahej në tri njësi./tribuna/

Kyetari i nëndegës së PDK-së në Malishevë, Enver Mazreku, ka dhënë dorëheqje nga ky subjekt politik. Ai aktivitetin e tij politik nga sot do të zhvillojë në subjektin më të ri politik, NISMA për Kosovën.

Dorëheqje nga PDK-ja në Malishevë kanë dhënë edhe tre anëtarë të tjerë të kësaj nëndege.

“Bazuar në gjendjen e krijuar pas zgjedhjeve lokale të nëntoerit të vitit 2013, konform të drejtës dhe zbatimit të përgjegjësisë dhe shprehjes demokratike të vullnetit politik, kam vendosë të ofroj dorëheqjen time prej pozitës së kryetarit të nëndegës së PDK-së në Malishevë”

“Po ashtu kam dhënë dorëheqjen nga anëtarsia e PDK-së”.

“Nga dita e sotme kam vendosë që aktivitetin tim politik ta jap në subjektin e ri NISMA për Kosovën, e cila është një alternativë e re politike, që iu është ofruar qytetarëve të Kosovës”.

Deri më tash nga nëndega e PDK-së në Malishevë, kanë dhënë dorëheqje tetë anëtarë të saj. /PrizrenPress.com/

1.Enver Mazreku-Kryetar
2.Hasan Mazreku-Anetar
3.Qendresa Mazreku-Anetare
4.Vera Bytyqi-Anetare
5.Regjep Mazreku-Anetar(i dorëhequr ne Tetor 2013)
6.Sabit Mazreku-Anetar(i dorëhequr ne Tetor 2013)
7.Destan Mazreku-Anetar(i dorëhequr ne Tetor 2013)
8.Valon Mazreku-Anetar(i dorëhequr ne Tetor 2013)