Policia e Kosovës ka arrestuar një person nga fshati Piranë i Prizrenit. Arrestimi i tij është bërë me urdhër të Gjykatës Themelore në Prizren.
“Në bazë të urdhëresës lëshuar nga Gjykata Themelore Prizren është arrestuar një mashkull K/Shqiptar dhe i njëjti është dërguar në vuajtje dënimi në burgun e Prizrenit”, njofton Policia e Kosovës./PrizrenPress.com/
Një person është arrestuar në fshatin Savrovë të Suharekës.Ai dyshohet për posedim ilegal të bimës së Kanabisit dhe armëmbajtje pa leje.
“
Në Savrovë të Suharekës është arrestuar një mashkull K/Shqiptar pasi që gjatë bastisjes në shtëpinë e tij janë gjetur dhe konfiskuar: 52 bimë Kanabis Sativa, dy qese me farë Kanabisi, një pushkë gjuetie, një pistoletë llojit Grizzly me 8 fishekë, 4 karikatorë me 4 fishekë të kal. 7.62mm”, njofton Policia e Kosovës.
I dyshuari pas intervistës me vendim të prokurorit është dërguar në mbajtje/PrizrenPress.com/
Sot në orën 13:45 nga lagja Çairçanja në Shkup do të mbahet protesta për rastin Monstra.
Nga këshilli organizativ ftojnë studentët, intelektualët dhe të gjithë shqiptarët nga të gjitha qytetet e Maqedonisë që të mbështesin këto protesta.
“Derisa ky shtet ushtron dhunë mbi pjesën dërmuese të popullatës së saj, derisa ky shtet nuk e respekton ligjin dhe të drejtat e qytetarëve të saj, ne kuptojmë se në këtë shtet një populli të tërë i mohohet e drejta dhe liria e tij, ne besojmë se shteti dhe ligji është në mbrojtje vetëm të një etnikumi. Nëse koncepti i demokracisë është vetëm akt formal në letër dhe shprehje, atëherë vlen të besojmë se pushteti në këtë shtet është centralist me funksionimin e njëjtë të sistemit të dikurshëm diktatorial komunist”, tha Daim Luçi nga këshilli organizativ, transmeton Portalb.
Studentë të gazetarisë, 12 prej tyre, 12 tregimet që i kanë gjetur në Kosovë i kanë përmbledhur dhe botuar në revistën online “Apropos Kosovo”.
Të gjenden rrëfime interesante në një vend për të cilin shumica në Gjermani nuk dinë asgjë më shumë se fjalët: Ish Jugosllavi dhe Luftë. Kjo detyrë u është dhënë 12 gazetarëve të shkollës së reportazheve të Zeitenspiegel, Günter Dahl.
Ata, në kuadrin e trajnimit të tyre njëvjeçar kishin marrë në prill të këtij viti me tre automobila rrugën për në Kosovë.
Tregimet që i kanë gjetur atje, 12 sosh, i kanë përmbledhur dhe botuar në revistën online “Apropos Kosovo”.
Në faqen “reportreisen.com” gjenden 12 reportazhet, të cilat bëjnë fjalë, veç tjerash për një moderatore të guximshme televizive, për skandalet nga politika dhe ekonomia si dhe për dasmën e një çifti të ri që flet për qasjen e tyre ndaj modernes dhe traditës.
Kryeredaktorë të projektit janë Christina Schmidt dhe Andres Ebergard, të dy studentë të gjeneratës aktuale të shkollës së përmendur.
“Kosova për ne sot është mikpritësja e madhe e cila na u gjet gjatë kërkimit për një shtrat”. Kështu i rrumbullakojnë përshtypjet e tyre Schmidt dhe Eberhard dhe vazhdojnë: “Kosova është kafeja e cila edhe në kafenenë më të keqe të shijon si të ishte përgatitur nga baristi italian. Kosova është pyetja “A je nga Gjermania?” – shumë veta këtu kanë një lidhje me këtë vend, ku kanë jetuar vetë ose u jetojnë akoma familjarë”. /albinfo.ch/
Kryeministri rus, Dmitry Medvedev, e ka nënshkruar një urdhër që e ndalon qasjen anonime në internetin pa kabëll (wireless) në vende publike.
Urdhëri i Medvedevit, i nënshkruar sot kërkon nga përdoruesit e internetit në këtë formë në restorante, parqe, metro dhe vende të tjera publike që të regjistrohen patjetër kur duan të përdorin internetin, transmeton REL.
Qasja do të jetë e mundshme vetëm për përdoruesit me emër të plotë, të konfirmuar nga një letërnjoftim.
Autoritetet ruse e kanë shtrënguar kontrollin e përdorimit të internetit në Rusi.
Në korrik të 1977 Bob Marley muzikanti xhamajkan u diagnostikua me sëmundjen melanoma malinje që kishte prekur gishtin e madh të këmbës së tij.
Ky dëmtim i ishte shkaktuar gjatë një ndeshje të zakontë futbolli. Bob Marley refuzoi të merrte kurën e duhur sepse feja nuk ja lejonte një gjë të tillë.
Feja e tij (Rastafarianismi) mbronte fortë idenë se trupi i njeriut duhet të ngelet “i paprekur”.
Kanceri që e kishte prekur në gisht, filloi të përhapej në lëkura, në anën e djathtë të trurit, në mushkri, mëlçi dhe stomak. Bob Marley vdiq pa lënë testament.
Qendra amerikane për kontrollin dhe parandalimin e sëmundjeve aktivizoi qendrën e vet të operimit në nivelin më të lartë, si përgjigje ndaj epidemisë më të rëndë në botë të Ebolës.
Drejtori i qendrës, Dr. Thomas Frieden tha të enjten në një seancë me pyetje-përgjigje të Kongresit se qendrat në Afrikën Perëndimore të prekur nga kriza e epidemisë, do të kenë së shpejti 50 ekspertë të sëmundjes. Ai tha se ka besimin se në SHBA epidemia nuk do të përhapet, raporton VOA.
Dr. Frieden tha se epidemia u pëhap atje ku nuk kishte ndodhur kurrë më parë, prandaj njerëzit nuk ishin të përgatitur për të. Ai tha po ashtu se praktikat jo të kujdesshme të kontrollit të sëmundjeve në rajon dhe ato të varrimit të viktimave të prekura prej epidemisë kontribuan tek përhapja e shpejtë e saj.
Sipas Reuters, diva e muzikës amerikane, e cila vazhdon të jetë në një tur muzikor së bashku me bashkëshortin e saj Jay Z, do të nderohet më një çmim special në ‘MTV Music Awards’.
Ajo është nominuar tetë herë në kategori të ndryshme nga MTV, e këtë herë do të nderohet me çmimin special ‘Michael Jackson Video Vanguard’ gjatë ndarjes së çmimeve në këtë event.
32-vjeçarja Beyonce është nderuar edhe për videon më të mirë, ndërsa në kategorinë kryesore ‘Video Of The Year’ ajo garon me australianen Iggy Azalea.
Artistë të tjerë që do të marrin pjesë në këtë ceremoni do të jenë Madonna, Beastie Boys, U2, George Michael dhe Janet Jackson etj.
‘MTV Muzic Awards’ konsiderohet si një nga ceremonitë më të rëndësishme në industrinë e muzikës e cila do të zhvillohet në Kaliforni në datën 24 Gusht.
Komisioni për Verifikimin e Statusit të Veteranëve, të Invalidëve, të Pjesëtarëve të UÇK-së deri më tani ka arritur t’i verifikojë 28 mijë aplikacione nga 66 mijë e 339 persona sa kanë aplikuar për këtë status. Prej tyre vetëm 9 mijë personave u njihet statusi, shkruan Zëri.
Dy vjet i janë dashur Komisionit për Verifikim të Statusit të Veteranëve, invalidëve dhe Pjesëtarëve të UÇK-së, për të verifikuar 28 mijë aplikacione. Vonesat në verifikim i arsyetojnë me angazhimet e aplikantëve nëpër fushata zgjedhore.
“Ky ngadalësim i verifikimit lidhet kryekëput me fushatën elektorale, sepse shumica e njerëzve të implikuar në procesin e verifikimit janë marrë me fushatën zgjedhore dhe me zgjedhjet”, ka thënë Faik Fazliu.
Pjesa dërmuese e përfaqësuesve të korit diplomatik të akredituar në Kosovë që prej disa muajve nuk e kanë realizuar pothuajse asnjë vizitë në Komunën e Prizrenit, shkruan Koha Ditore.
Përderisa zyrtarët komunalë arsyetohen se vizitat e rralla kanë të bëjnë me periudhën e ndërrimit të ambasadorëve, aktivistë të shoqërisë civile këtë çështje më shumë e lidhin me faktin se kryetari i Komunës, Ramadan Muja, është dënuar në shkallën e parë të gjyqësorit për shpërdorim të detyrës zyrtare, prandaj dhe diplomatët nuk preferojnë që të shihen në shoqëri të zyrtarëve institucionalë që kanë probleme me ligjin, përcjell koha.net.
Zëdhënësi i Komunës së Prizrenit, Ymer Berisha, vlerëson se përfundimi i mandateve të disa ambasadorëve të vendeve perëndimore ka bërë që të ketë pak vizita zyrtare në këtë komunë, që sipas tij do të ndryshojë pas akomodimit të të ngarkuarve të rinj me detyrë në Prishtinë.