Zyrtarë të PDK-së dhe ata të bllokut paszgjedhor besojnë se kanë argumente të fuqishme për t’u ballafaquar në këtë seancë, përderisa ende nuk dihet se kush do t’i përfaqësojë ata në këtë seancë dëgjimore, shkruan Kosova Sot.

Partitë politike janë duke u përgatitur për të marrë pjesë në seancën dëgjimore që pritet të mbahet më 21 gusht, për t’i ballafaquar argumentet rreth ligjshmërisë së zgjedhjes së kryetarit të Kuvendit në seancën e 17 korrikut.

Sipas burimeve të besueshme të gazetës, të afërta me zhvillimet në Gjykatën Kushtetuese, shpallja e vendimit nuk do të presë afatin përfundimtar në pasën e përkohshme të Gjykatës Kushtetuese, por ai do të rrjedhë në pesë ditët pasuese të gushtit, pas seancës dëgjimore.

Ende nuk është vendosur se kush do ta përfaqësojë Kosovën në seancën e radhës të Këshillit të Sigurimit të OKB-së e cila do të mbahet më 25 gusht. Në këtë seancë, Këshilli i Sigurimit do ta shqyrtojë situatën në Kosovë në bazë të raportit të rregullt të Sekretarit të Përgjithshëm të OKB-së Ban Ki-Moon.

Zv/kryeministri i Kosovës, Hajredin Kuçi, i kontaktuar nga Tribuna, ka thënë se Këshilli i Sigurimit është ai që vendos për nivelet e përfaqësimit.

“Ende nuk kemi vendosur se kush do ta përfaqësojë Kosovën. Këshilli i Sigurimit vendos për nivelet dhe ne sigurisht se do t’i përshtatemi. Por, varësisht edhe nga niveli i përfaqësimit të palës tjetër edhe ne do të përfaqësohemi”, ka thënë Kuçi, shkruan Tribuna.

Ndërsa, Arber Vllahiu, këshilltar i Presidentes, në një prononcim për gazetën, ka thënë se janë duke i bashkërenduar veprimet me faktorin ndërkombëtar sa i përket çështjes së përfaqësimit.

“Janë duke u shqyrtuar të gjitha modalitetet me institucionet e Kosovës dhe në bashkërendim me ato ndërkombëtare do të vendoset për prezantimin e Kosovës në Këshillin e Sigurimit të OKB-së, kurdo qe të mbahet seanca”, ka thënë Vllahiu.

Sekretari organizativ i Vetëvendosjes, Dardan Mollqiaj ka deklaruar se aktualisht koalicioni LDK-AAK-Nisma nuk i ka 83 vota për formimin e qeverisë.

Ai ka ripërsëritur qëndrimet e VV-së, se pa marrëveshje me shkrim koalicioni paszgjedhor nuk do të llogarisë në votat e kësaj lëvizje. Dhe për të pasur një marrëveshje, Mollqiaj ka vlerësuar se është e domosdoshme që procesi i dialogut të udhëhiqet nga Vetëvendosja, shkruan Epoka e Re.

Edhe pse kanë pasur oferta nga PDK për bashkëqeverisje, Molliqaj ka thënë se aktualisht kjo parti është e papranueshme për Vetëvendosjen. Ndërkaq, duke iu referuar situatës aktuale politike, Molliqaj nuk e ka përjashtuar as opsionin e zgjedhjeve të reja

Lëvizja Vetëvendosje e udhëhequr nga Albin Kurti ka përgënjeshtruar lajmin se koalicioni LDK- AAK- Nisma i ka pranuar parimet e VV-së, duke thënë se nuk kanë pasur takime me përfaqësues të këtij koalicioni, që nga seanca konstituive e Kuvendit të Kosovës më 17 korrik.

“Sot, në disa media elektronike është përhapur lajmi se kinse koalicioni LDK-AAK-Nisma i ka pranuar parimet e Lëvizjes VETËVENDOSJE! dhe se edhe VETËVENDOSJE! ka pranuar të lëshojë pe në qëndrime tona për dialogun me Serbinë”, thuhet në reagimin e kësaj partie.

“Duam t’ia bëjmë me dije gjithë opinionit publik se ne nuk kemi pasur takime me përfaqësues të koalicionit LDK-AAK-Nisma, që nga seanca konstituive e Kuvendit të Kosovës më 17 korrik”.

“Rrjedhimisht Lëvizja VETËVENDOSJE! nuk ka lëvizur dhe nuk lëviz nga qëndrimi i saj. Qëndrimi i Lëvizjes VETËVENDOSJE! është ai i dakorduar në draftmarrëveshjen e 16 korrikut, e cila nuk u nënshkrua nga koalicioni LDK-AAK-Nisma, të nesërmen, më 17 korrik”. /PrizrenPress.com/

Maratonës së bisedimeve ndërmjet Koalicionit LDK-AAK- NISMA dhe Lëvizjes Vetëvendosje, po i vjen fundi. Blloku ka pranuar parimet e qeverisjes të parashtruara nga VV, kurse partia e Kurtit ka lëshar pe në disa kushte duke mos kërkuar që të jenë vendimmarrësit, por prijësit e bisedimeve me Serbinë.

Kërkesat e lëvizjes së Albin Kurtit, apo parimet e qeverisjes, ashtu si i quan Kujtim Shala nga Lidhja Demokratike e Kosovës, e që është njëri prej njerëzve kryesor të koalicionit për vazhdimin e bisedimeve me drejtuesit e Vetëvendosjes, janë të pranueshme për partitë e koalicionit dhe pas vendimit të Gjykatës Kushtetuese pritet të zyrtarizohet koalicioni i përbërë prej 63 deputetëve shqiptarë.

Shala po ashtu tha se bisedimet do të fillojnë menjëherë pas vendimit përfundimtar të Gjykatës Kushtetuese, që do të merret deri më 18 shtator.

Dardan Molliqaj, sekretari i Lëvizjes Vetëvendosje, ka thënë se ky lajm është i mirë dhe VV është e gatshme të lëshojë pe në disa kushte, sidomos në bisedimet me Serbinë ku nuk do të kërkojnë që të jenë vendimmarrësit, por vetëm prijës të bisedimeve.

Edhe Molliqaj pret që fill mbas vendimit të Gjykatës Kushtetuese, të takohen dhe ta nënshkruajnë marrëveshjen për koalicion të përbashkët qeverisës.

Sipas Fisnik Korenicës nga Grupi për Studime Politike dhe Juridike, kërkesa nga ndërkombëtarët për të tre liderët e koalicionit që Vetëvendosja mos me qenë prijëse e bisedimeve dhe ankesa e deputetëve të Partisë Demokratike, në Gjykatën Kushtetuese, është zvarritur kaq gjatë deri te nënshkrimi i koalicionit opozitar me Lëvizjen Vetëvendosje.

Takimi i fundit i bisedimeve ndërmjet partive të koalicionit dhe Vetëvendosjes është mbajtur më 16 korrik, kur ishte arritur konsensus në të gjitha pikat nga grupi punues prej katër anëtarësh të secilës parti.

Mirëpo, më 17 korrik, në ditën e parë konstituive të legjislaturës së pestë, marrëveshja nuk u nënshkrua nga liderët, të cilët në fund refuzuan që Vetëvendosja t’i drejtojë bisedimet. /Rrokum.Tv/

Rrugët e Rahovecit janë shndërruar sërish në “lumenj” nga një shi i rrëmbyeshëm që ka rënë sot në këtë qytet.

Edhe një ditë më parë, të mërkurën, reshjet e shiut kishin shkaktuar vërshime në këtë qytet.

RahovecPress sjell pamje nga vërshimet në rrugët dhe trotuaret në qytetin e Rahovecit.

Edhe pse e arritur në parim marrëveshja për sistemin e drejtësisë më 19 prill mes Kosovës dhe Serbisë për formimin e një gjykate në veriun e Mitrovicës, ende kjo ujdi nuk është rrumbullakuar.

Kryenegociatorja në bisedimet me Serbinë, Edita Tahiri, tha për RTK-në se pa u mbyllur plani për zbatimin e marrëveshjes për drejtësi, nuk do të fillojë të zbatohet ajo për gjykatat.

“Plani për zbatimit për pjesën e një gjykate që ka qenë edhe me herët në Mitrovicë pra Gjykata Themelore tani duhet të zbatohet. Kjo çështje ka qenë pikë diskutimi kemi pritur të përmbylllim në muajin mars por kjo nuk ndodhi dhe ka mbetur të ndodh në një takim në mes kryeministrave për të cil9n nuk edi kur do të mbahet por pa u mbyllur plani për zbatim nuk do të filloj zbatimi për qështjën e Gjykatës Themelore,” shprehet zëvendës-kryeministrja Edita Tahiri.

Tahiri shtoi se kjo marrëveshje do t`i shuajë njëherë e përgjithmonë kërkesat e shtetit serb që të ketë gjykata të veçanta në Veri të Mitrovicës. Ajo saktësoi se puna e këtij organi të drejtësisë do të zhvillohet në kuadër të Kushtetutës së Kosovës dhe ligjeve të Kosovës.

“Patjetër sic është bërë betimi edhe i policëve nga komunitteti serb dhe trajnimi tyre në shkollën e sigurisë në Vushtrrri do të bëjën betimin e gjyqtarët serb dhe do te trajnohën për këtë çështje”.

Njohësit e sistemit të drejtësisë në Kosovë thonë se kjo marrëveshje është dashur të zbatohet atëherë kur është arritur pajtueshmëria ndërmjet palëve. Naim Rashiti nga Grupi Ballkanik për Politika, tha për RTK-në se pavarësisht pajtueshmërisë ndërmjet palëve për sistemin e drejtësisë në vëri, ende s`ka ndryshuar asgjë në atë pjesë.

Sipas kësaj marrëveshjeje të arritur në parim, është thënë se kryetari i Gjykatës Themelore në Veri do të jetë nga nacionaliteti serb, kurse kryeprokurori shqiptar. Ata do ta drejtojnë Gjykatën e cila do t`u shërbejë shtatë komunave ku struktura etnike do të jetë 60 për qind shqiptare, kurse 40 për qind serbe.