Kuvendi i Kosovës ka debatuar gjatë dy ditëve për problemet në Universitetin publik “Hasan Prishtina”, por në mungesë kuorumi, për shkak të bojkotit nga koalicioni qeverisës, përfundoi pa asnjë vendim. Ndërsa dje u debatua thuajse gjatë gjithë ditës, sot debati ishte më i shkurtër. Ai kishte të bënte me harmonizimin e qëndrimeve midis grupeve parlamentare për rekomandimet rreth Universitetit, por mungoi vullneti i mirë që kjo të arrihej dhe çështja u shty për një mbledhje tjetër, sigurisht të javës së ardhshme. Kuvendi kishte në rend të ditës edhe çështje të tjera – një varg projektligjesh a plotësime ligjesh, që kërkonin praninë e ministrave të dikastereve përkatëse, por ata mungonin. Kryekuvendari, Jakup Krasniqi, nuk pati një arsyetim për mungesën e tyre, por tha se pa ta diskutimi do të ishte i kotë, raporton Koha.

Përveç votimit të rekomandimeve, sot në rend dite ishte edhe shqyrtimi për herë të parë i këtyre projektligjeve: Projektligji për ndryshimin dhe plotësimin e Ligjit për Dhomën e Posaçme të Gjykatës Supreme të Kosovës për çështjet lidhur me Agjencinë Kosovare të Privatizimit; Projektligji për krijimin e infrastrukturës kombëtare të informacionit hapësinor në Republikën e Kosovës, si dhe Projektligji për ndryshimin dhe plotësimin e Ligjit për shitjen e banesave për të cilat ekziston e drejta banesore. Duhej të shqyrtohej  edhe Plani Hapësinor për Parkun Kombëtar “Sharri”.

Si pika e fundit e kësaj seance kanë qenë edhe emërimi i një anëtari të Bordit të RTK-së, si dhe shqyrtimi i propozimit të Këshillit Gjyqësor për emërimin e Organit përzgjedhës të Pavarur, për përzgjedhjen e kryesuesit dhe të anëtarëve të Organin Shqyrtues të Prokurimit.

Kryesia do të vendosë se kur dhe me çfarë rendi të ditës do të zhvillohet mbledhja e ardhshme e Kuvendit.

Mbledhjet e Kuvendit zakonisht mbahen të enjteve.

Deputetët e Kuvendit sot do të vendosin për rekomandimet e propozuara nga Lidhja Demokratike e Kosovës, pas debatit shumë orësh që u zhvillua dje, rreth gjendjes në Universitetin e
Kuvendi ndërpreu seancën për shkak të kuorumit, meqë pozita lëshoi sallën, pasi opozitarët nuk pranuan kërkesën e Kryeministrit Hashim Thaçi, që të miratohet një rezolutë me të cilën do të urdhërohej senati i UP-së, t’i verifikonte të gjitha gradat dhe titujt akademik të të gjithë politikanëve që janë ngritur në tituj prej vitit 1990-91 e deri me sot.

Por, opozita kërkonte që t’i miratonte rekomandimet e tyre, që kërkonin dorëheqjen e rektorit Ibrahim Gashi dhe sjelljen para përgjegjësisë dhe verifikimin e ngritjes së tyre akademike.

Po ashtu, në seancën e sotme pritet të shqyrtohen edhe një mori ligjesh tjera të cilat nuk arritën të shqyrtohen seancën e djeshme.

Vendimi i Fatmir Limajt dhe me gjasë edhe Jakup Krasniqit për t’u larguar nga PDK vjen për shkak të renditjes së tyre më poshtë seç ata e kishin parashikuar staturën e tyre politike, e jo për shkak të keqqeverisjes.

Kështu mendon analisti Halil Matoshi.

Në një bisedë për lajmi.net, Matoshi, Kolumnist i “Kohës Ditore”, vlerëson se shkëputja e Limajt nga PDK nuk u bë në kohën e duhur. Thotë se ai po shkon rrugës së tij politike në fund të mandatit qeverisës.

“Fatmir Limaj nuk u shkëput me shumë siguri nga PDK-ja dhe në kohën e duhur, sepse edhe në fund ‘iu përkul’ në një mënyrë shefit të tij, Zotni Thaçit. Ai po shkon udhës së tij politike gati në fund të mandatit qeverisës, edhe pse ai ka qenë de facto i mënjanuar nga partia që nga marrja e postit të të dytit në parti nga Zotni Kadri Veseli”.

“Pra, Limaj dhe Krasniqi ia kthyen shpinën PDK-së për hir të rangimit të tyre më poshtë seç ata e perceptojnë staturën e tyre politike, e jo për hir të autoritarizmit, padijes, jokompetencës, turrit kah paraja publike, keqqeverisjes dhe metodave staliniste në Qeverisjen e PDK-së”.

Pakënaqësitë e dy prej figurave kryesore kishin filluar të shfaqen qysh në fillim të mandatit të dytë të Qeverisë Thaçi, ndërsa kulmin e arritën në Kongresin e gjashtë të PDK’së.

Jakup Krasniqi kishte kërkuar që Kuvendi Zgjedhor i partisë të mos mbahet, përderisa Fatmir Limaj të lirohet nga proceset gjyqësore. Megjithatë, një gjë të tillë ishte injoruar nga Kryetari i Partisë.

Por, kjo lëvizje për Matoshin është humbje e një krahu të fuqishëm për PDK’në.

“PDK-ja natyrisht se humb një krah të fuqishëm, por taktika e krerëve të saj tashti do të mundohet që ta shndërrojë në fitore këtë largim, sado i dhimbshëm, duke pretenduar se Limaj e Krasniqi mbështeten në tabanin marksist-leninist, pra majtistë të afërt me ideologjinë e Lëvizjes Vetëvendosje!”.

“Mirëpo, e mira e këtij largimi është se një krah në PDK po ndahet për të mos u bërë pjesë e konspiracioneve të SHIK-ut brenda partisë dhe në kapjen e shtetit. Prandaj, edhe këtë adut do ta përdorin Limaj dhe Krasniqi për ta arsyetuar para partizanëve të tyre largimin nga PDK”.

Fatmir Limaj ka konfirmuar këtë javë se që nga viti 2012 nuk është më pjesë e Partisë Demokratike, duke thënë se së shpejti do të dalë me një alternativë të re politike.

Megjithatë, Halil Matoshi vlerëson se do të jetë e vështirë për Limajn dhe Krasniqin, nëse nuk bëjnë koalicion me ndonjërën nga forcat politike aktuale.

“Mendoj se PDK-ja këta dy emra edhe mund t’i rikuperojë, porse ka humbur shumë vota. Kurse këta dy, nëse nuk bëjnë koalicion parazgjedhor me ndonjë aleancë, qoftë me AAK, PDK ose VV, mund të dalin ‘të pensionuar’ nga procesi zgjedhor”.

Kryetari aktual i Kuvendit të Shqipërisë, Ilir Meta, në vitin 2005, i pakënaqur me drejtimin e Partisë Socialiste nga Fatos Nano, atëbotë kishte vendosur të bëjë parti të veten, Lëvizjen Socialiste për Integrim. Sot, Meta është njëri ndër figurat kryesore në politikën shqiptare që vendosin për formimin e Qeverisë.

Ky është shembulli që i përshkruhet Fatmir Limajt.

Por, Matoshi thotë se këtë komoditet nuk e kanë Limaj e Krasniqi. Sipas tij, nëse ndryshon pragu zgjedhor vështirë se mund të jenë pjesë e legjislaturës së ardhshme.

“Faktori ‘Ilir Meta’ në Kosovë nuk ka kuptim, sepse këtë pozicion këtu te ne e kanë partitë e komuniteteve joshqiptare, e posaçërisht partitë e serbëve kosovarë. Po partia e Limajt dhe Krasniqit mund ta kalojë pragun zgjedhor, nëse mbetët siç është prej 5%”.

Limaj dhe Krasniqi dolën hapur kundër PDK`së në zgjedhjet lokale të nëntorit duke mbështetur iniciativa qytetare në qytetet e Malishevës përkatësisht Drenasit që të dyja llogariteshin si bastione të partisë në pushtet.