Asambleja Komunale në Prizren, do të mblidhet me 22 janar për të zgjedhur kryesuesin. Mbledhja është ftuar nga asamblisti më i vjetër Gjemil Luma.

Në këtë mbledhje gjithashtu parashihet edhe konstatimi i mandatit të zëvendëskryesuesit për komunitet. Nijazi Kryeziu dhe Kujtim Gashi, janë dy mera që PDK-ja ka propozuar për kryesues të Asamblesë Komunale në Prizren.

Partitë opozitare, ndërkaq ende nuk janë përcaktuar për ndonjë kandidat të mundshëm për kryesues të Asamblesë./PrizrenPress.com/

Procesi i zgjedhjes së kryesuesit të Kuvendit komunal të Malishevës, ka shumë gjasa të zhbllokohet në mbledhjen e ardhshme. Sipas Kryetarit të Komunës, Ragip Begaj mbledhja mund të mbahet shumë shpejt. Kuvendarët e PDK-së do të jenë prezent në mbledhjen e ardhshme, ndërsa ende nuk dihet qëndrimi e atyre të LDK-së.

Asnjëri prej oponentëve politik në Malishevë, nuk janë dakort që komuna e tyre të shkojë në zgjedhje të reja. Kryetari Begaj apelon tek kuvendarët, që të gjejnë sa më shpejt një zgjidhje, për këtë çështje, ndërsa shprehet se është i gatshëm të bashkëpunojë me cilindo që kuvendarët do ta votojnë.

Fajin për bllokadën e deritanishme të punës së kuvendit, subjektet politike ja hedhin njëra tjetrës. Pa dashur të deklarohen para kamerave, Jonuz Kastrati nga LDK-ja thotë se IQ-ja e ka bllokuar punën, pasi nuk ka arritur një marrëveshje për bashkëqeverisje, ashtu siç kanë bërë gjithë komunat e tjera,shkruan RTK

Isni Kilaj nga PDK-ja shprehet kategorish kundër koalicioneve, e Ragip Begaj, thotë se kuvendarët nuk po e bëjnë punën për të cilën qytetarët i kanë votuar.

Përfaqësuesit e subjekteve politike PDK dhe LDK, thonë se Malisheva nuk mund ta ketë atë luks që të shkojë në zgjedhje të reja. Kryetari i degës së PDK-së në Malishevë, Isni Kila, thotë se kuvendarët e zgjedhur nga ky subjekt politik, do të jenë prezent në mbledhjen e ardhshme të Kuvendit, por secili do të votojë sipas dëshirës, jo në mënyrë të organizuar.

Jonuz Kastrati nga LDK-ja pohon se, për këtë qështje duhet të vendosë kryesia e degës. Kastrati thotë gjithashtu se po bisedohet me PDK-në për një kandidat të përbashkët për të kryesuar kuvendin, por Kila, hedh poshtë një gjë të tillë.

Lideri i PDK-së Hashim Thaçi, ai i LDK-së Isa Mustafa dhe Ramush Haradinaj i AAK-së, janë takuar sot paradite. Kështu raporton Klan Kosova, që sipas tyre, tre liderët, janë marr vesh që zgjedhjet parlamentare të mbahen në qershor.

Arsyet për këtë thuhet se janë të shumta, por argumenti kryesor për votime në këtë muaj është evitimi i një krize të mundshme parlamentare.

Ndryshe, sipas Ligjit për Zgjedhjet e Përgjithshme në Kosovë Presidentii vendit cakton dhe shpall datën e zgjedhjeve pas konsultimit me partitë politike.

President cakton datën e zgjedhjeve jo më herët se gjashtë muaj dhe jo më vonë se katër muaj para datës së tyre. Kjo sa i përket zhedhjeve të rregullta që duhet mbahen qdo katër vjet.

Për ato të parakohshmet, shpërndahet Kuvendi dhe Presidenti i cakton jo më vonë se 10 ditë pas shpërndarjes. Zgjedhjet e parakohshme nuk mund të mbahen më herët se tridhjetë ditë dhe më vonë se 45 ditë pas shpërndarjes.

Kryetari i Malishevës,Ragip Begaj, sot ka mbajtur mbledhjen e parë me drejtorët e drejtorive të Ekzekutivit.

Ai kërkoi nga drejtorët punë, përgjegjësi dhe disiplinë në detyrat e tyre si përgjegjës të drejtorive.

“Dua të jem një bashkëpunëtorë i mirë dhe dua të bashkëpunojmë pa rezerva dhe dua të jem i informuar për çdo gjë dhe ju e keni ndihmën e plotë timen”.

Begaj po ashtu kërkoi që drejtorët që të përgatisin raportet e rregullta të punës, të bëjnë planifikimin për punët, për projektet dhe mbi të gjitha kërkoi disiplinë në punë.

Po ashtu sot është formuar komisioni, i cili do të bëjë pranim dorëzimin e inventarit në zyrat e tyre.Drejtorët e drejtorive të Ekzekutivit të Malishevës, ndërkaq janë shprehur të gatshëm të bashkëpunojnë dhe kryejnë obligimet e tyre./PrizrenPress.com/