Kryetari i Malishevës,Ragip Begaj ka pritur sot një delegacion nga zyra e Bashkimit Evropian në Prishtinë, të shoqëruar nga përfaqësuesit e MAPL-së si dhe kompanisë që do ta menaxhojë projektin e ndërtimit të të shkollës në Damanek.Përfaqësuesi i Zyrës së BE-së në Prishtinë, Luc Faber,në këtë takim tregoi se tashmë është përzgjedhur kompania e cila do ta ndërtojë shkollën në Damanek, sikur edhe është caktuar kompania e cila do ta menaxhoj ecurinë e realizimit të projektit”. Sipas Faber, i tërë projekti do të përfundoj brenda 18 muajve.
Kryetari i Malishevës,Ragip Begaj, ndërkaq i ka falënderuar përfaqësuesit e zyrës së BE-së në Prishtinë, për vizitën si dhe për njoftimin se tashmë është zgjedhur kompania e cila do ta ndërtojë këtë shkollë.
“Është kënaqësi e madhe për mua, ndërtimi i kësaj shkolle, në kohën kur nxënësit e kësaj shkolle, nuk kanë kushte për zhvillimin e procesit mësimor, pasi objekti aktual është shumë i vjetër dhe jashtë standardeve”, tha Begaj.
Në këtë takim, i bisedua edhe për detaje tjera, që kanë të bëjnë me realizimin e projektit dhe obligimet që kanë të gjitha palët në realizimin e tij./PrizrenPress.com/