Shpallen përbërjet e jurive ndërkombëtare për të gjitha kategoritë e edicionit të 6-të të festivalit ndërkombëtar të filmit PriFest.

Juria e programit garues të filmave europian është në përbërje prej: Kees Kassander producent nga Holanda, fitues i shumë cmimeve ndërkombëtare përfshi cmimin e jurisë në Cannes dhe ate BAFTA. Në karierën e tij të bujshme ka qenë producent i më së 50 filmave artistik.

Cedomir Kolar, producent nga Franca, i lindur në Kroaci, i nominuar dhe fitues i cmimit Oscar. Filmi i tij I fundit ‘Episode of…’ nga Danis Tanovic fitoi 2 cmime në Berlinale 2013.

Velibor Topic, aktor I lindur në Bosnje, jeton dhe vepron në Britani të Madhe. Ka luajtur në shumë shfaqje teatrore dhe filma. Njihet për rolet në filmat si ‘Robin Hood’ i Ridley Scott, ‘Snatch’ i Guy Ritchie dhe ‘Kingdom of Heaven’ i Ridley Scott. Në edicionin e parë të PriFest fitoi cmimin për aktorin më të mirë.

Juria e programit garues të filmave ballkanik – të quajtur ‘Kinemaja e mjaltit dhe gjakut’ është në përbërje prej: Mark Ravenhill, dramaturg britanik, njëri ndër shkrimtarët më të njohur bashkëkohor europian. Dramat e tija janë të përkthyera dhe të vëna në skenë në krejt botën.

Kirsten Schaffer, drejtoreshë ekzekutive e festivalit OutFest nga Los Angeles të ShBA. Së fundmi ishte anëtare e jurisë Teddy në Berlinale dhe kryetare e Iris Film Prize.

Karin Angela Schyle, nga Gjermania, ish menaxhere e festivalit goEast në Ëiesbaden të Gjermanisë. Tani është udhëheqëse e programit të filmit në fondacionin Robert Bosch Stiftung.

Ndërsa në Jurinë e programit garues të filmave të metrazhit të mesëm, janë: Anis Lassoued, regjisor nga Tunizia, fitues I shumë cmimeve ndërkombëtare dhe themelues dhe drejtor artistic i Maghrebian Film Festival në Nabeul. Anis ishte fitues i Hyjneshës së argjendtë në edicionin e kaluar të PriFest. Olena Yershova, regjisore dhe producente nga Ukraina, filmat e saj janë shfaqur dhe kanë marrë cmime në festivalet si Abu Dhabi, Sofia dhe Vilnus. Participoi në Producers Netëork në Cannes 2009-2012. VladimiR Blazevski, regjisor nga Maqedonia, filmi i tij i fundit ‘Punk’s not dead’ fitoi cmim në festivalin Karlovy Vary dhe më shumë se 10 cmime në festivale tjera ndërkombëtare, përfshi edhe PriFest.

Tradicionalisht, PriFest ka edhe jurinë e Medias, të përbërë nga gazetarë të mediave të ndryshme të Kosovës dhe Shqipërisë. Por, sivjet ajo është ndërkombëtare. Përbërja e jurisë së mediave është: Kushtrim Sadiku, nga Klan Kosova kryetar i jurisë, Oana Stupariu gazetare nga Rumania, redaktorë për politikën e huaj në gazetën ‘Telegraf’ nga Constanta. Mirjana Radovanovic nga Radio Televizioni I Kosovës, Berna Caka nga Radio Urban FM dhe Nora Fejza nga Radio Dukagjini. Çmimin që del nga kjo juri, tashmë 3 vjet e ndan partneri i festivalit Fondacioni Dritan Hoxha dhe vlerëson filmat Ballkanik.

Këtë vit PriFest ka risi edhe sa I përket jurive. Për herë të parë filmat do të vlerësohen edhe nga Juria e pavarur e studentëve e cila do të japë çmim në PriFest, dhe atë në kategorinë e filmave Europian. Në këtë juri janë: Arben Marevci, student i dramaturgjisë në Fakultetin e arteve të UP, More Raça, studente e regjisë së filmit në Fakultetin e Arteve, Donika Cami studente në Universitetin Amerikan të Kosovës, Danela Markaj studente e aktrimit në Fakultetin e Arteve dhe Engjëll Beqiri student në Kolegjin Victory.

Drejtoresha e PriFest, Vjosa Berisha me këtë rast theksoi: ‘Jemi krenar për këtë përbërje të jurive, që përvec që vijnë nga katër anët e botës, janë nga kategoria më e ‘rëndë filmike’ duke bartur në bagazhin e tyre çmimet më të mëdha botërore të filmit. Poashtu, jam e gëzuar që nuk do ta kenë lehtë të përzgjedhin, sepse edhe përbërja e filmave sivjet premton një garë të fortë. Posaçërisht më vjen mirë që edhe studentët kosovarë do ta kenë mundësinë të marrin pjesë në vendimarrje, duke qenë pjesë e jurisë së pavarur të studentëve’.

Edicioni i 6-të i festivalit ndërkombëtar të filmit PriFest mbahet nga 25 prill deri 2 Maj në Prishtinë. /PrizrenPress.com/

? Pavarësisht se buxheti për Ministrinë e Kulturës, Rinisë dhe Sportit ka shënuar rritje mbi 80 për qind në 4 vjetët e fundit, prej rreth 11 milionë eurosh në rreth 20 milionë euro, megjithatë nevojat për investime në fushën e kulturës dhe artit janë shumë më të mëdha se sa buxheti që ndahet për to, vlerësojnë zyrtarët e institucioneve qeveritare përgjegjëse për kulturën, por edhe përfaqësuesit e komunitetit të artistëve në vend.

Jehona Shyti, këshilltare e lartë politike e Ministrit të Kulturës, Rinisë dhe Sportit, Memli Krasniqi, thotë se tashmë janë përzgjedhur projektet e pavarura që do të mbështeten nga Ministria e Kulturës.

“Në raundin e parë janë ndarë, për subvencionet në kulturën e pavarur, 800 mijë euro. Këtë vit, tashmë e kemi bërë listën dhe janë miratuar projektet që do të mbështeten nga ana e Ministrisë së Kulturës. Janë mbi 300 projekte të organizatave joqeveritare , por edhe të artistëve të pavarur”.

“Konkursi tjetër është prej 700 mijë eurosh dhe është për projektet filmike. Këto janë vetëm për kulturën e pavarur. Ndërkaq, për aktivitetet dhe veprimtaritë e institucioneve të kulturës që janë në kuadër të Ministrisë së Kulturës, janë komplet mjete të tjera”, thotë Jehona Shyti.

Ajo thekson se edhe rreth 100 mijë euro do të investohen në konkursin për botimin e librit.

Në anën tjetër, përfaqësuesit e institucioneve kulturore dhe të komunitetit të artistëve në përgjithësi, vlerësojnë se rritja graduale e investimeve në kulturë dhe art ka ndodhur.

Megjithatë, sipas tyre, kjo rritje është e minore në krahasim me kërkesat për investime në aktivitetet kulturore. Baki Jashari, drejtor i Filarmonisë së Kosovës, thotë se rritja graduale e buxhetit i ka ndihmuar aktivitetet e këtij institucioni, por ajo nuk i përmbushë nevojat që aktualisht kanë institucionet kulturore në përgjithësi.

“Unë mendoj se duhet shumë më shumë mjete dhe mbështetje, të mos them mbase edhe dyfishi apo trefishi i asaj që tash është. Mendoj se duhet një strategji më e gjerë kombëtare dhe qeveritare që një herë të kalojë prioriteti edhe në kulturë. Pra, në mënyrë dramatike të ndodhë ndryshimi dhe rritja në të gjitha sferat që e mbulojnë kulturën”, konsideron Jashari.

Dramaturgu Arian Krasniqi, vlerëson se në 15 vjetët e fundit, asnjë qeveri në Kosovë nuk e ka trajtuar kulturën si prioritet. Sipas tij, ndarja e rreth 20 milionë eurove si buxhet për Ministrinë e Kulturës, Rinisë dhe Sportit nga buxheti i përgjithshëm i Kosovës prej 1. 4 miliard euro, është vetëm një shumë simbolike që nuk mundëson zhvillim të mirëfilltë të jetës kulturore.

“Buxhetet që janë ndarë për kulturën, përkatësisht për Ministrinë e Kulturës, kanë qenë buxhete të vogla, simbolike dhe që nuk kanë garantuar një zhvillim më të hovshëm të jetës kulturore në vendin tonë, si dhe nuk kanë garantuar një funksionalitet më të madh produktiv të institucioneve kulturore”.

“Rritja që ka ndodhur në këto vite, është krejtësisht simbolike dhe nuk është as afërsisht atyre pritjeve që ka komuniteti i artistëve, por edhe pritjeve që kanë vetë institucionet kulturore, në mënyrë që t’i realizojnë programet e veta vjetore”, vlerëson Krasniqi.

Se buxheti për kulturën është i pamjaftueshëm përballë kërkesave dhe nevojave në këtë fushë, pajtohet edhe Jehona Shyti.

“Nuk mendojmë që janë të mjaftueshme, mirëpo janë shumë më shumë se sa ato që kemi pasur në vitin 2011, kur kemi ardhur ne. Edhe pajtohemi që ka nevojë ende për buxhet. Por, po shpresojmë që trendi i rritjes do të vazhdoj edhe në të ardhmen”, pohon Shtyi.

Ndryshe, dramaturgu Krasniqi, vlerëson se nevojitet vullneti politik për investime më të mëdha në kulturë. Deri më tash, sipas tij, investimet për kulturën janë varur nga, siç thotë ai, mentaliteti i atyre që bëjnë politikën, të cilët, siç vlerëson ai, nuk e shohin fushën e kulturës si prioritet me interes.

“Unë mendoj që, realisht, perceptimi i komunitetit të artistëve në sytë e politikës është se jemi komunitet i vogël dhe nuk çojmë peshë në vota. Kështu ka qenë, së paku në këto 15 vjet dhe kështu vazhdon të jetë edhe sot”, thekson Krasniqi.

Mendim të ngjashëm ka edhe drejtori i Filarmonisë së Kosovës, Jashari.

“Kjo mund të jetë edhe pasojë e mentalitetit. Por, unë mendoj që, thjesht, mungon ndoshta vullneti politik për t’iu qasur edhe kësaj fushe në mënyrë serioze dhe të vendoset çështja e financimit në binarë të duhur”, përfundon Jashari. /REL/

Prizreni së shpejti duket se do të nisë njërin nga projektet më të rëndësishëm në fushën e kulturës dhe arsimit, ndërtimin e një biblioteke moderne, që parashihet t’i plotësojë nevojat e qendrës së dytë më të madhe në vend, pas Prishtinës, që pos kolegjeve private, prej katër vitesh ka edhe Universitetin Publik.

Nëse gjërat shkojnë, sipas deklarimit të zyrtarëve prizrenas, atëherë studentët e kësaj ane, nga fundi i vitit nuk do të kenë nevojë të zgjohen në mëngjes, sidomos në prag të afatit të provimeve që ta zënë ndonjë vend, në sallën e tepër të ngushtë të Bibliotekës aktuale, që funksionon në katin e dytë të shtëpisë së kulturës në Prizren.

Urim Ukimeri, koordinator në sektorin e kulturës në kuadër të komunës së Prizrenit, tha për “Zërin” se përcaktuesi përmes tenderimit i kompanisë që ka marrë përsipër realizimin e projektit të bibliotekës komunale, do t’i hapë rrugë konkretizimit sa më të shpejtë të projektit, që do të shtrihet në një hapësirë prej 27 ari, diku në mes të qytetit, në lagjen “Tabahane”, gjegjësisht në hapësirën e ish-spitalit të vjetër të mushkërive.

Ai tha se objekti i ri i bibliotekës do të jetë modern, ndërsa gjatë hartimit të projektit janë marrë parasysh nevojat e qytetit për një projekt të tillë, përfshirë edhe numrin e banorëve dhe të studentëve aktual.

“Tenderi është shpallur nga Komuna dhe tashmë është nënshkruar kontrata me punë kryerësin. Punimet për konkretizimin e objektit që ka etazhitet P+1 dhe kap vlerën rreth 500 mijë euro, pritet të nisin pasi të kryhen procedurat përkatëse të shërbimeve komunale”, tha Ukimeri.

Ndonëse nuk është edhe shumë afër Universitetit të Publik të Prizrenit, biblioteka e re nuk është aq larg. Në fakt objekti është më afër gjimnazit gjuhësor, atij shkencor dhe Shkollës së Mesme Teknike, si dhe dy shkollave fillore.