Instituti Demokratik i Kosovës(KDI) ka mbajtur sot tryezën me temën ” Kuvendi i Komunës së Rahovecit dhe themelimi i Komiteteve Konsultative”. Në këtë tryezë kanë  morrë pjesë kuvendarët komunal dhe pjesëtarë të shoqërisë civile.

Përfaqësuesi i KDI- së, Naim Cahanaj tha se qëllimi i kësaj tryeze është fokusimi dhe shikimi i  mundësive të fuqizimit të rolit të Kuvendit pas themelimit të Komiteteve Konsultativ.

Nahit Elshani, kryesues i Kuvendit Komunal në Rahovec, tha se Komuna e Rahovecit përveç komiteteve obligative, duhet të themelojë edhe komitete konsultative, të cilit do të merren me çështjet profesionale.

“Pjesë e këtyre komiteteve duhet të jenë anëtarët e kuvendit komunal por edhe nga shoqëria civile, me qëllim që të rritet transparenca dhe proifesionalizmi në fusha të caktuara”.

Elshani në vazhdim thotë se kuvendi komunal ka pasur katër komitete, por shtrohet pyetja se sa kanë funksionalizuar dhe duhet të fokusohemi më shumë në funksionalizimin e komiteteve, por si sfidë e këtij funksionalizimi Elshani përmend çështjen e kompensimit të anëtarëve të komitetit.

Me ekzistimin e këtij Komiteti Konsultativ, u pajtua edhe Rasim Fazliu ( PDK), Selim Duraku ( LDK), Rukije Krasniqi ( AAK) të cilit njëzëri janë pajtuar për domosdoshmërinë e përfshirjes së shoqërisë civile në këto komitete, të cilit edhe do të japin kontribut të madhë. Përfaqësuesja e Zyres Regjionale të OSBE-së në Prizren, Kristina Jovanovska thotë se shoqëria civile duhet të jap kontribut me pjesëmarrjen publike, dhe me ndikim të tyre përmes vendimmarrjes, transparenca do të realizohet në dobi të qytetarëve,transmeton rahoveci 24.

Ajo tha në fund se kompensimi nuk duhet të jetë sfida, sepse kjo punë duhet të bëhet në baza vullnetare.

Sipas burimeve te Publiku.net, nga informacione zyrtare, sot mbas dite apo nesër pritet edhe arrestimi i kryetarit të LDK Isa Mustafa.

Më datën 30.03.2014 Publiku.net ka dhënë lajmin me titull: «Në ditët në vijim arrestime masive nga radhët e LDK-së», ku ndër të tjera kemi thënë:«Tashmë nuk është sekret se ish – drejtorë të Komunës së Prishtinës dhe të afërt të Isa Mustafës, janë nën hetime. Madje vetë lideri i LDK, Isa Mustafa».

Po ashtu është raportuar:

«Sipas burimeve të besueshme të Publiku.net, në ditët në vijim pritet në valë arrestimesh të ish drejtorëve të komunës së Prishtinës, të afërt të kryetarit të LDK, Isa Mustafa, jo nga afërsia e gjakut, por e miqësisë».

Sot u vërtetua afërsia e miqësisë që ka qene dhëndri i Isa Mustafës.
Natyrisht gjatë hetimeve, prej të tjerëve ka qenë i «involvuar» në mënyrë masive edhe emri i kryetarit të LDK, Isa Mustafa./Publiku.net/

(E plotësuar) ?Deputetët e Kuvendit të Kosovës miratuan në parim Projektiligjin për zgjedhjet e përgjithshme në vend.

?Deputetët e Kuvendit të Kosovës miratuan në parim Projektiligjin për zgjedhjet e përgjithshme në vend. Megjithëse u cilësua si projektligj që nuk përfshinë ndryshimet e pritura, grupet parlamentare i dhanë mbështetje, me përjashtim të Vetëvendosjes, e cila abstenoi.

Kuvendi do të filloj seancë të re pasdite ku në red dite ka shqyrtimin për herë të dytë të Projektligjit për veteranët e UÇK-së.

Deputetët po shqyrtojnë Projektiligjin për zgjedhjet e përgjithshme

?Deputetët e Kuvendit të Kosovës po shqyrtojnë në lexim të parë Projektiligjin për zgjedhjet e përgjithshme. Megjithëse u cilësua si projektligj që nuk përfshinë ndryshimet e pritura, grupet parlamentare i dhanë mbështetje në parim, me përjashtim të lëvizjes Vetëvendosjes, e cila paralajmëroi abstenim.

Megjithë mbështetjen që i dhanë shumica e grupeve parlamentare, vlerësuan se ky projektligj, nuk përmban ndryshimet e pritura.

Mbështetje në parim të Projektligjit për zgjedhjet e përgjithshme në emër të PDK-së i dha deputeti Arsim Bajrami, i cili megjithatë, vlerësoi se ky projektligj nuk promovon një reformë substanciale zgjedhore për të cilën Kosova ka pasur nevojë. Ai tha se ndryshimet më tepër merren me administrimin e sistemit zgjedhor, sesa me sistemin zgjedhor.

“Sistemi zgjedhor do të jetë sistem proporcional me lista të hapura. Këto shtylla po mbesin të pandryshuara, sepse në komisionin parlamentar asnjë parti politike nuk ka pasur një vullnet apo iniciativë për të bërë një reformë substanciale në këtë drejtim”, tha Bajrami.

Edhe Arben Gashi, në emër të LDK-së i dha mbështetje projektligjit, por tha se mbeten ende disa çështje të diskutueshme, siç është vota për bartësin e listës, pragu për kandidatët e pavarur dhe çështje të tjera. Për vonesën e deritashme, ai e fajësoi PDK-në për bllokim të procesit.

Ndërkohë, Albulena Haxhiu tha se Vetëvendosje abstenon në këtë fazë të shqyrtimit të projektligjit, pasi sipas saj, pa u diskutuar fare në komision në mënyrë të kontrabanduar është ndërruar formula për ndarjen e ulëseve në Kuvend.

“Ky është kontrabandim, prandaj kërkojmë nga kryetari i Kuvendit që të marr të gjitha masat karshi kësaj, sepse ky është tentim për degradim të Kuvendit dhe procedurave të parapara me rregulloren e punës, vetëm e vetëm për t’i akomoduar apetitet e PDK-së dhe LDK-së”, tha Haxhiu,transmeton RTK

I menjëhershëm ishte reagimi i kryetarit për legjislacion, Arben Gashi, i cili tha se kjo çështje është diskutuar dhe votuar në komision. Ai fajësoi Haxhiun dhe Vetëvendosjen për vonesat e projektligjit pas arritjes në Kuvend.

“Fajtore është personalisht zonja dhe partia të cilës i takon, pse qe tri javë është vonuar ligji, sepse e ka humbur kuorumin dhe sot jemi me tri javë vonesë dhe rrezikojmë të shkojmë në zgjedhje pa reformë zgjedhore. Personalisht je fajtore dhe ia pafsh hairin fajit që e ke bërë”, tha Gashi.

Deputetja Haxhiu reagoi duke thënë se është LDK-ja ajo që e ka bllokuar procesin e reformës zgjedhore tash e tri vjet.

Ndërsa Ardian Gjini nga AAK-ja fajësoi partitë në pushtet për këtë reformë gjysmake. “Prej partive në pushtet nuk ka pasur kurrfarë vullneti për të ndryshuar diçka në mënyrë thelbësore në këtë projektligj”, tha Gjini.

Gjithsesi, edhe Gjini në emër të AAK-së i dha mbështetje projektligjit në parim, sikurse edhe grupet tjera parlamentare. Megjithë mbështetjen, projektligji u vlerësua se ka vetëm ndryshime teknike, por jo substanciale sa i përket reformës zgjedhore, e cila nisi qysh në vitin 2011.

Ndërkohë sot pritet të mbahet edhe një seancë e re e Kuvendit, në të cilën në rend dite për shqyrtim të dytë është edhe Projektligji për veteranët e UÇK-së.

Isa Mustafa është i sigurt se zgjedhjet parlamentare do të mbahen gjatë muajit maj, ose më së largu në qershor të këtij viti, pas së cilave do të konfirmohet mandatar për formimin e qeverisë së re të Kosovës.

Kryeopozitari Mustafa paralajmëron mundësinë e shpërbërjes së Kuvendit gjatë këtij muaji, për të cilën gjë, siç thotë ai, është pajtuar edhe kreu i PDK-së, Hashim Thaçi dhe shumica e liderëve të partive tjera parlamentare në vend.

“Kur kam biseduar me Thaçin për shpërbërjen e Kuvendit, ideja ka qenë që ne ta bëjmë një tekst të harmonizuar me subjektet politike, ku do të jepen arsyetimet për shpërbërje”, thotë Mustafa në intervistën për “Zërin”