Në tre vjetët e fundit janë rritur rastet e personave, të cilët kanë kërkuar kompensim të dëmit në Këshillin Gjyqësor, pas shpalljes së pafajësisë, shkruan sot Koha Ditore.

Prej viti 2005 deri më tani janë shqyrtuar 729 kërkesa për kompensim që buxhetit i kanë kushtuar rreth 2 milionë euro. Të burgosurit e pafajshëm janë të pakënaqur me shumën e kompensimit dhe për këtë e kanë përkrahjen e shoqërisë civile dhe të psikologëve.

Nazmi Kadriu i është drejtuar Gjykatës Themelore të Prishtinës me padi, për shkak se nuk është pajtuar me shumën që i është ndarë nga Komisioni për Kompensimin e dëmit në Këshillin Gjyqësor të Kosovës (KGJK), si kompensim për periudhën sa ka qëndruar në paraburgim pa arsye.

Ai është vetëm njëri nga më shumë se 700 personave që janë mbajtur në burg pa arsye prej vitit 2005 dhe kanë kërkuar të drejtën e kompensimit. Është edhe njëri nga ata që nuk konsiderojnë se shuma e ofruar e mbulon dëmin e shkaktuar.

Qeveria e Kosovës ka rrezikuar seriozisht të humbë miliona euro nga Bashkimi Evropian si mbështetje në fushën e Prokurimit Publik. Kjo pasi që Qeveria dhe Kuvendi nuk kanë arritur të realizojnë “ultimatumin” e Zyrës së BE-së në Kosovë që deri në mesin e muajit mars të përzgjedhin anëtarët e rinj në Organin Shqyrtues të Prokurimit Publik (OSHP) dhe Agjencinë Qendrore të Prokurimit (AQP).

Pavarësisht këtij ‘ultimatumi’ Kuvendi i Kosovës nuk ka gjetur kohë që të paraqes për votim zgjedhjen e anëtareve të OSHP-së në dy seancat plenare të enjten dhe të premten edhe pse kjo ishte njëra nga pikat e rendit të ditës. Votimi i anëtarëve të rinj të OSHP-së do të dalë në Kuvend gjatë javës së ardhshme, por kjo do të jetë jashtë afateve të përcaktuara nga BE,shkruan Tribuna.

Mosvotimi i anëtarëve të rinj brenda aftit do të shtyjë përfaqësuesit e BE-së që të mblidhen edhe njëherë për të shqyrtuar nëse do të pezullojnë të gjitha investimet në fushën e prokurimit në Kosovë apo jo

Ministrat e punëve të jashtme të Kosovës dhe Shqipërisë, Enver Hoxhaj dhe Ditmir Bushati kanë ligjëruar të premten para një audience të përzgjedhurish të organizuar nga Akademia Diplomatike e Kosovës.

Para diplomatëve, zyrtarëve të institucioneve, përfaqësuesve të shoqërisë civile e gazetarëve dy ministrat u fokusuan në partneritetin strategjik si dhe bashkëpunimin ndërmjet dy shteteve, veçmas pas mbledhjes së përbashkët ndërmjet dy qeverive në Prizren.

Ministri Hoxhaj gjatë ligjëratës tha se Kosova dhe Shqipëria janë model për rajonin në rrafshin e bashkëpunimit. Ai tha se për Kosovën ka tri nivele të bashkëpunimit rajonal. “Niveli i parë është fqinjësia e mirë, niveli i dytë është fqinjësia konstruktive, ku kohëve të fundit kemi reflektuar edhe në disa vende të rajonit, dhe niveli i tretë për ne është partneriteti strategjik. Me Shqipërinë për arsye historike, kulturore, gjuhësore, politike, por mbi të gjitha për arsye ekonomike, jemi partnerë strategjik”, tha Hoxhaj.

Hoxhaj po ashtu paralajmëroi se në një të ardhme të afërt ndërmjet Kosovës e Shqipërisë do të jetë mundësia e krijimit të një tregu energjetik të përbashkët, duke shprehur besimin se mbledhja e ardhshme e dy qeverive në Vlorë do të sjellë vendime konkrete.

Ministri Ditmir Bushati tha se rruga e bashkëpunimit do të duhej të shihej me një qasje të integruar me portet, me energjinë, me turizmin, me arsimin, me një qasje tjetër në produktet bujqësore.

“Ne jemi përpjekur për të punuar, për të pasur një dokument i cili thjesht nuk do t’iu shërbejë vetëm qeverive të cilat ne përfaqësojmë, por do të jetë një mekanizëm, një kuadër konceptual i cili do të përcaktojë mënyrën sesi do të ndërtohet edhe më tej ky partneritet strategjik. Pra, jo thjesht inflacion marrëveshjesh dhe në fund të ditës për t’i matur këto, por projekte konkrete dhe bashkëpunim të strukturuar. Ky lloj bashkëpunimi është strategjik për ne, është stabilizues për rajonin dhe është orientues për të gjithë rrugëtimin tonë euroatlantik”, tha Bushati. /PrizrenPress.com/

Policia e Kosovës e arrestoi një mjek nën dyshimin e bazuar për trajtim të papërgjegjshëm mjekësor. Rasti ka të bëjë me një vdekje të dyshimtë në një nga spitalet private që ushtron veprimtarinë e ndërhyrjeve në zemër, ku kishte vdekur një paciente nga Peja në korrik të vitit 2011.

Mjeku me inicialet SH.E është arrestuar nga policia lidhur me një vdekje të dyshimitë që kishte ndodhur në korrik të vitit 2011 në një klinikë private që ushtron veprimtarinë e nderhyrjeve në zemër, ku pas një intrevenimi diagnostik ka vdekur pacientja me inicialet Sh.H 56 vjeç, nga Peja. Arrestimi erdhi pas hetimeve të gjata të ndërmara me urdhër të Prokurorit dhe Drejtorisë për hetimin e krimeve ekonomike dhe korrupsionit në Policinë e Kosovës.

Mjeku SH.E I cili kishte bërë ekzamnimin, dyshohet se nuk ka ofruar shërbim të duhur mjekësor, ku më pas janë shkaktuar edhe probleme të tjera që mund të kenë quar pacienten deri tek përkëqësimi i gjendjes dhe vdekja e saj. Familjarët ishin të parët që kishin vënë dyshimet për këtë gjë, dhe me ngulm kanë kërkuar që familjares së tyre t’i bëhet autopsia.

“ Unë dyshoj që grun ma kan vra, ka vrasje me armë të nxehtë të ftohtë, por ka edhe mbytje, mua ma kanë mbytë gruan. Mjeku më ka kërcënu dy herë dukë më thënë se çka po lyp ma këtu, në mjekësi mund të ndodhë gjithcka, nuk është faji jonë, pse me ju ba autopsia, etj…”, tha Adem Hysenaj, bashkëshorti i të ndjerës Sh. H.

Ademi thotë se kishte njoftuar policinë, dhe pas kërkesës së tij është bërë autopsia. Në raportin e mjekësisë ligjore të cilin e ka siguruar RTK, sqarohet se pacientja SH.H, ka vdekur si pasojë e depërtimit të yndyrës në qarkullimin venoz, apo siç njihet në mjekësi si Emboli Yndyrore në mushkëri .

Lajmin për arrestimin e mjekut SH.E e kanë konfirmuar Policia e Kosovës dhe Prokuroria Themelore në Prishtinë.

“ Drejtoria për Hetimin e Krimeve Ekonomike dhe Korrupsion, sot në mëngjes, ka arrestuar një person të dyshuar, nën dyshimin e bazuar se i njëjti ka kryer veprën penale ‘trajtim i pandërgjegjshëm mjekësor’. Personi i arrestuar është: Sh.E, m/sh/k (1965). Bazuar në hetimet policore personi i dyshuar tashme i arrestuar nga policia derisa ka qenë duke e ushtruar profesionin e mjekut në një spital në Prishtinë, e ka trajtuar viktimën në mënyrë të pandërgjegjshme, duke mos kushtuar kujdesin e duhur, ku si pasojë ka gjetur vdekjen viktima. Me vendim të prokurorit të Prokurorisë Themelore në Prishtinë, të dyshuarit i është caktuar masa e ndalimit prej 48 orëve”, tha Brahim Sadriu­ Zëdhënës në Policinë e Kosovës.

Ndërsa kyreprokurori i Prokurorisë Themelore në Prishtinë Imer Beka ka thënë nëpërmjet telefonit se ekziston dyshim i bazuar që i arrestuari të dërgohet në paraburgim.

RTK ka provuar gjatë gjithë ditës që të kontaktoj me zyrtarë të spitalit , por një punëtore që është përgjigjur në telefon ka thënë se drejtorët janë shumë të zënë. Kurse zëdhënësi i Ministrisë së Shëndetësisë Faik Hoti ka bërë të ditur se spitali në fjalë ka liçencë të ushtrimit të kësaj veprimtarie që nga fillimi i punës së tij në vitin 2010, po ashtu edhe i gjithë eikipi i tij mjekësor.

Ministri për Kosovën në Qeverinë e Serbisë, Aleksandar Vulin, ka deklaruar se Forcat e Armatosura të Kosovës për Serbinë janë krejtësisht të papranueshme. Ai ka thënë se Serbia nuk e ka ndërmend që në kuadër të dialogut, ose në ndonjë mënyrë tjetër, të bisedojë për këtë çështje.

“Janë të gabueshme interpretimet se ne po kërkojmë ndonjë aneks. Ne nuk kërkojmë asnjë aneks (të Marrëveshjes së Brukselit). Ne nuk kërkojmë kurrfarë aneksi ose negociata për Armatën e Kosovës, s‘ ka Armatë Kosove”, ka thënë Vulin për Tanjug, transmeton Koha.

Ai ka sqaruar se Serbia nuk ka hequr dorë nga kërkesa për thirrjen e mbledhjes së Këshillit të Sigurimit të KB-së për këtë çështje dhe ka shtuar se nuk varet nga Serbia se kur do të mbahet ajo.

Qeveria e Serbisë, ka thënë Vulin, nuk e ka ndryshuar qëndrimin se formimi i Forcave tëe Armatosura të Kosovës është absolutisht e papranueshme sepse Beogradi bazohet fuqimisht në Rezolutën 1244 dhe sipas kësaj rezolute nuk është e mundur që forcat e sigurisë të shndërrohen në forca te armatosura.

“Rreth e përqark Kosovës është situatë krejtësisht e qetë. Serbia nuk do ta sulmojë territorin e vet. Shqipëria dhe Maqedonia me siguri nuk do ta sulmojnë Kosovën. Nga kush kanë për t’u mbrojturat ata? Ai territor është nën garancitë më të mëdha të bashkësisë ndërkombëtare dhe formimi i çfarëdo ushtrie të Kosovës do të paralajmëronte mundësinë e konflikteve ndëretnike”, ka thënë Vulin, duke shtuar se formimi i FAK do të krijonte armiqësi të hapët me serbët në Kosovës e që do të do të kishte pasoja të paparashikueshme.

Vulin në këtë adresim i ka porositur politikanët serbë të Kosovës që të kundërshtojnë formimin e FAK-ut.