9.9 C
Prizren
E premte, 4 Prill, 2025

Kino Lumbardhi në dhjetor shfaq programin e filmave me temën “Dial H for Horror”

Programi i filmave të Kinemasë së Zgjeruar për muajin dhjetor i përgatitur nga “Lumbardhi” në Prizren do të përmbajë filma kult të zhanreve horror, mister, thriller me temën “Dial H for Horror”.

Sipas njoftimit, shfaqja e filmave në kuadër të këtij programi nis të mërkurën mbrëma, më 4 dhjetor 2024.

“Nisim programin e filmave të Kinemasë se Zgjeruar për muajin dhjetor me temë “Dial H for Horror”  më 4 dhjetor prej orës 20:00 me historinë e një producenti televiziv, të dëshpëruar për të pasur programacion të ri që të tërheqë vëmendjen e shikuesve derisa bie ndesh me një shfaqje që përmban dhunë dhe torturë”.

“Duke parë potencial në të, ai vendos ta shfaqë këtë program drejtpërsëdrejti. Sidoqoftë, pasi e dashura e tij zhvillon audicionet për programin dhe mandej zhduket në rrethana misterioze, ai nis të hetojë të vërtetën pas programit dhe zbulon një realitet shqetësues: dhuna grafike, nuk është aq e stisur sa ai paramendonte”, thuhet në njoftimin e Kino Lumbardhit.

Shfaqja e filmave do të vijojë çdo të mërkurë (4, 11, 18 dhe 25 dhjetor) prej orës 20:00 në hollin e Kino Lumbardhit, me vërejtjen se filmat janë të përshtatshme për audienca 16+.

Më Shumë

Mbështetje konkrete për kultivuesit e trangujve dhe specave në Rahovec

Komuna e Rahovecit ka nënshkruar një kontratë me kompaninë “Agro Celina” Sh.P.K., duke ofruar mbështetje për fermerët që punojnë tokën dhe prodhojnë me përkushtim. “Sipas...

Fuqizohet bashkëpunimi mes Postës së Kosovës dhe Komunës së Dragashit

Menaxheri i Postës së Kosovës – Regjioni i Prizrenit, Liri Ramadani, së bashku me bashkëpunëtorët e tij,  ka zhvilluar  një takim me kryetarin e...

Lajmet e Fundit