Dje, pas 27 vjetësh, u rivarrosën eshtrat e Elhami Tahiragës, një qytetar i pafajshëm, i vrarë dhe i zhdukur nga regjimi serb më 19 korrik 1998.
Me këtë rast, kryetari i Komunës së Rahovecit, Smajl Latifi, tha se zhdukja dhe vrasja e Elhamiut pasqyrojnë brutalitetin e regjimit serb dhe theksoi rëndësinë që familjarët dhe bashkëvendasit të kenë mundësinë ta nderojnë atë siç e meriton, raporton PrizrenPress.
“Ekzekutimi dhe zhdukja e Elhamiut janë dëshmi e një regjimi që s’i përket botës së qytetëruar, por errësirës së Mesjetës. Tashmë eshtrat e tij do të vendosen në tokën e të parëve të tij, ndërsa familjarët, miqtë dhe shokët do të kenë mundësi t’ia bëjnë të gjitha nderimet që i takojnë një njeriu që u vra në përpjekje për të ndihmuar bashkëvendasit e tij në ato ditë të rrëmujshme të Rahovecit”, u shpreh Latifi.
Komuna e Rahovecit i shpreh ngushëllimet më të sinqerta familjes Tahiraga./PrizrenPress.com
