-1.1 C
Prizren
E martë, 18 Shkurt, 2025

Ambasadori britanik viziton Dragashin, vlerëson tolerancën dhe bashkëjetesën ndëretnike

Ambasadori i Britanisë së Madhe në Kosovë, Jonathan Hargreaves, ka vizituar sot Komunën e Dragashit, ku është pritur nga kryetari i Komunës, Bexhet Xheladini, së bashku me përfaqësues të tjerë institucionalë.

Kryetari Xheladini i uroi mirëseardhje ambasadorit dhe e falënderoi për vizitën, duke e informuar për organizimin politik dhe administrativ të Komunës. Ai theksoi se Dragashi është “shembull në Kosovë për kulturën e tolerancës dhe bashkëjetesës ndërmjet komuniteteve”.

Nga ana e tij, ambasadori Hargreaves shprehu mirënjohjen për pritjen e ngrohtë dhe siguroi për vazhdimin e mbështetjes britanike për qytetarët e Kosovës.

“Përfaqësuesit e Britanisë së Madhe në Kosovë do të jenë gjithmonë përkrah qytetarëve tuaj”, tha ai.

Pas takimit në Zyrën e Kryetarit, ambasadori britanik dhe përfaqësuesit komunalë vizituan Qendrën Kryesore të Mjekësisë Familjare (QKMF), ku u njohën nga afër me punën e stafit mjekësor dhe shërbimet që ofrohen për qytetarët./PrizrenPress.com/

 

Më Shumë

Bashkimi dorëzohet në finale, Kupa nuk kthehet në Prizren as pas 24 vitesh

Bashkimi i Prizrenit nuk arriti të rikthejë Kupën e Kosovës në qytetin historik, duke u mposhtur në finale nga Trepça me rezultat 85:79. Prizrenasit mbeten...

Bashkimi dominon në Ligën Unike Femrat me fitoren ndaj Partizanit

Bashkimi po vazhdon me formë të mirë në Ligën Unike Femrat. Prizrenaset fituan si mysafire ndaj Partizanit të Tiranës 59:84 (15:24, 18:33, 12:9, 14:18), në...

Lajmet e Fundit