Fundori amerikan vjen nga Inter Bratislava pas një sezoni të jashtëzakonshëm në Sllovaki dhe arenën ndërkombëtare, raporton PrizrenPress.
Klubi i basketbollit Bashkimi nga Prizreni ka nënshkruar me përforcimin e radhës për sezonin 2025/26, duke sjellë në skuadër amerikanin Isaiah Cousins, i cili u shpall MVP i ligës ENBL për edicionin e fundit.
Kliko linkun: https://www.facebook.com/PrizrenPress/videos/1931011784486118
“Isaiah Cousins, MVP i ligës ENBL për sezonin 2024/25, fundori amerikan me përvojë ndërkombëtare, është përforcimi ynë i radhës për sezonin 2025/26”, ka njoftuar klubi prizrenas në Facebook.
Cousins vjen nga skuadra sllovake Inter Bratislava, ku shkëlqeu si në kampionatin vendor ashtu edhe në garat ndërkombëtare. Ai pritet të sjellë përvojë, qetësi dhe efikasitet në vijën e jashtme të Bashkimit.
Statistikat e sezonit 2024/25 për Isaiah Cousins në Ligën Sllovake: 18.4 pikë, 5.0 kërcime, 4.3 asistime për ndeshje; ndërsa në ENBL: 22.3 pikë, 4.5 kërcime, 4.7 asistime dhe 1.5 topa të vjedhur për ndeshje.
Me këtë lëvizje, Bashkimi synon të ndërtojë një skuadër konkurruese që do të luftojë për kreun në Superligën e Kosovës dhe paraqitje dinjitoze në arenën ndërkombëtare.
“Mirë se erdhe në Prizren, Isaiah!”, përfundon njoftimi i klubit./PrizrenPress.com
Marketing
