Drejtoria e Arsimit në Suharekë ka angazhuar asistentë të rinj në institucionet edukativo-arsimore të komunës, të cilët do të ofrojnë mbështetje për nxënësit me nevoja të veçanta.
Drejtori i Arsimit, Remzi Bajselmani, ka zhvilluar një takim me asistentët e sapopranuar, ku është theksuar rëndësia e rolit të tyre në procesin mësimor dhe përfshirjen e barabartë të të gjithë nxënësve.
“Qëllimi i këtij takimi ishte njohja nga afër me rolin dhe përgjegjësitë e asistentëve në procesin mësimor, si dhe theksimi i rëndësisë së përfshirjes dhe mbështetjes së barabartë për secilin nxënës në shkollë”, thuhet në njoftim, raporton PrizrenPress.
Gjatë takimit, drejtori Bajselmani ka vlerësuar angazhimin dhe gatishmërinë e asistentëve për të kontribuar në krijimin e një mjedisi gjithëpërfshirës në shkolla.
“Ai theksoi se përmirësimi i cilësisë së arsimit dhe ofrimi i mundësive të barabarta për të gjithë nxënësit mbetet prioritet i Drejtorisë së Arsimit”, vijon njoftimi.
Po ashtu, është diskutuar edhe bashkëpunimi ndërmjet asistentëve, mësimdhënësve, prindërve dhe drejtuesve të shkollave, me qëllim rritjen e cilësisë së mbështetjes për nxënësit.
“U diskutua për bashkëpunimin e ngushtë ndërmjet asistentëve, mësimdhënësve, prindërve dhe drejtuesve të shkollave, me qëllim që çdo fëmijë të marrë mbështetjen e nevojshme për zhvillimin e plotë akademik dhe social”, theksohet në njoftim.
Drejtoria e Arsimit në Suharekë mbetet e përkushtuar në avancimin e arsimit gjithëpërfshirës dhe fuqizimin e shërbimeve mbështetëse për nxënësit me nevoja të veçanta./PrizrenPress.com/
Marketing
Shiten banesa moderne në lagjen “Tranzit i Ri” të Prizrenit – mundësi pagese me këste
Banesat më të kërkuara në Prizren – Bëhu pronar në Foleja Residence!
Kompleksi ‘Newco Elan’ ofron banesa të ëndrrave tuaja në zemër të Prizrenit
‘Toni Residence’ – Mos e humb rastin për të blerë banesën tënde në Prizren
https://prizrenpress.com/hapesira-me-qira-ne-objektet-e-reja-te-renelual-tahiri-ne-prizren/
