Mjeshtri i koreografisë shqiptare Agron Aliaj, u nderua me një mbrëmje gala në Teatrin e Operës dhe Baletit. Mbrëmja gala “Agroniada” nën drejtimin e koreografit Arian Sukniqi, ishte si një album koreografik nga krijimtaria e zgjedhur e mjeshtrit Aliaj.
Koncerti me rastin e 80-vjetorit të koreografit Aliaj, u drejtua nga dirigjenti i njohur Eno Koço, i cili me jo pak emocion kujtoi bashkëpunimin dhe njohjen prej 50 vitesh me mjeshtrin Agron Aliaj. Por dhe solistët e TKOB e vlerësojnë Aliajn si profesor, koreograf dhe artist i papërsëritshëm i skenës shqiptare, shkruan Sotnews.
Ndërkaq që studiuesi Albert Janku, e cilëson koreografin Aliaj, si mik të ëngjëjve e për këtë i referohet një vepre të Kadaresë. Në këtë mbrëmje, solistët dhe trupa e baletit sollën pjesët me pikante të krijimtarisë së koreografit Aliaj si “Shopen”, “Mjelma e zezë”, “Ëndrra dashurie”, “Arrëthyesi”, “Zhizel”, “Vdekja e mjelmës”, “Fausti”, “Lumi i vdekur” dhe “Plaga e dhjetë e Gjergj Elez Alisë”.