12.6 C
Prizren
E hënë, 17 Mars, 2025

Ballkani i qëndron afër Dritës në fitoren bindëse ndaj Vushtrrisë

Ballkani ka fituar me rezultat bindës në Therandë kundër Vushtrrisë 3-1 në kuadër të javës së 27-të në Superligën e Kosovës.

Vendasit e filluan mjaftë mirë takimin duke rrezikuar me anë të Blendi Baftiut, mirëpo goditja e tij ishte e plogësht dhe e lehtë për t’u kapur nga portieri Marly Prince.

Nuk vonoi shumë dhe Ballkani shënoi golin e parë me anë të Mirlind Daku që shënoi në minutën e 13-të me kokë, pas një harkimi nga Ermal Krasniqi.

Pesë minuta më vonë, Baftiu arriti të futet në listën e realizatorëve, pasi shënoi nga penalltia e fituan prej Krasniqit.

Pjesa e parë përfundoi me këtë do gola, ndërsa në të dytën u shënuan po ashtu dy të tjerë.

Me të filluar 45 minutëshi i dytë, Ballkani e kishte përsëri iniciativën dhe arriti që në minutën e 53-të të trefishonte epërsinë me anë të Arbër Prekazit.

Por, vushtrriasit nuk u dorëzuan deri në fund dhe arritën që së paku të ngushtonin epërsinë e vendasve me anë të Kushtrim Fazliu (78’).

Ballkani në javën e 27-të mori tri pikë të rëndësishme, për t’u renditur në vendin e dytë me 53 pikë, pesë më pak se lideri Drita, ndërsa Vushtrria është në të parafundit (11) me 16 sosh. /Telegrafi/

Foto: KF Ballkani/Facebook

Më Shumë

Punëtori i sigurimit gjendet i vdekur në vendin e tij të punës në Prizren

Një person është gjetur i vdekur në vendin e tij të punës në rrugën “Tranziti i Ri” në Prizren. Trupi i tij është dërguar për...

Bashkimi fiton Kupën e Kosovës U18

Ekipi i KB Bashkimi ka triumfuar në finalen e Kupës së Kosovës për kategorinë U18, duke mposhtur KB Kerasan me një paraqitje të shkëlqyer,...

Lajmet e Fundit