31.8 C
Prizren
E martë, 23 Korrik, 2024

Donnarumma dhe partnerja e tij sulmohen e grabiten në shtëpinë e tyre në Paris, dëmi deri në 500 mijë euro

Portieri i Paris Saint-Germain, Gianluigi Donnarumma dhe partnerja e tij, raportohet se janë sulmuar dhe grabitur në shtëpinë e tyre në kryeqytetin francez, Paris. Vlera e dëmit që iu është shkaktuar kalon shumën prej 500 mijë eurove.

Ngjarja në fjalë mësohet se ka ndodhur gjatë natës të së enjtes dhe deri në orët e para të mëngjesit të së premtes.

Sipas Actu17, autorët e grabitjes janë larguar me mallra me vlerë rreth 500 mijë euro.

Donnarumma dhe partnerja e tij thuhet se kanë qenë të lidhur gjatë sulmit.

Ata u larguan për t’u strehuar në një hotel luksoz që ndodhet jo shumë larg shtëpisë së tyre në orën 3:20 të mëngjesit.

Stafi i institucionit njoftoi policinë lokale dhe u kujdes për çiftin, i cili kuptohej se ishte në tronditje.

24-vjeçari italian dhe partnerja e tij u dërguan më pas në spital për trajtim.

Agjencia e cila menaxhon portierin, ka lëshuar një përditësim për situatën.

“Raiola është në dijeni të një incidenti në lidhje me Gianluigi Donnarumman dhe partneren e tij në orët e para të mëngjesit të sotëm”, thuhet në një deklaratë.

“Ata janë të tronditur nga ajo që ndodhi, por po shkojnë mirë në rrethanat e tmerrshme. Të dy po ndihmojnë policinë me hetimet e tyre. Gigi, partnerja e tij dhe Raiola nuk do të bëjnë asnjë koment të mëtejshëm derisa policia të përfundojë hetimin e tyre. Ne ju kërkojmë të respektoni privatësinë e Gigit dhe partneres së tij në këtë moment.”

Donnarumma ka qenë me Paris Saint-Germain që kur përfundoi një lëvizje në Parkun e Princave nga AC Milan në vitin 2021 – për të ndihmuar vendin e tij për lavdinë kontinentale në Euro 2020.

Ai ka bërë 72 paraqitje për PSG-në, duke fituar dy tituj të Ligue 1, por ka parë që një transferim diku tjetër të spekulohet në afatin aktual kalimtar.

Më Shumë

Rahoveci kujton Avdullah Bugarin e Gëzim Hamzën në 26 vjetorin e rënies së tyre

Sot, te Muri i Pikëllimit në Rahovec, u nderua fillimi i luftimeve për Rahovecin, kujtimin për 17 korrikun 1998, kujtimin për martirët dhe dëshmorët...

Prizren Fest Kids: Fëmijët punojnë për përrallën “Karrota e Shëndoshtë”

Prizren Fest Kids ka nisur me shumë ngjyra dhe buzëqeshje, duke sjellë një atmosferë të ngrohtë, me lojra e punime të ndryshme për më...

Lajmet e Fundit