Eqrem Kryeziu nuk ia ka uruar pasardhësit të tij, Haxhi Avdylit, postin e kryetarit të Degës së LDK-së në Prizren.
“Jo nuk më ka uruar fitoren”, tha Avdyli për “PrizrenPress”.
Haxhi Avdyli të dielën e javës së kaluar është zgjedhur me shumicë votash kryetar i Degës së LDK-së në Prizren, duke i dhënë kështu fund ‘sundimit’ 25 vjeçar të Eqrem Kryeziut.
Eqrem Kryeziu në qershor të vitit të kaluar pat dhënë dorëheqje nga të gjitha funksionet e LDK-së,pas humbjes së thellë që pësojë në zgjedhjet nacionale.
Pavarësisht mosurimit, Haxhi Avdyli, në pranimin e detyrës, ka falënderuar ish-kryetarin Eqrem Kryeziun, për kontributin politik që ka dhënë në LDK.
Ai premton se do të bashkëpunojë me të gjithë për të fuqizuar dhe rikthyer në pushtet LDK-në në Prizren./PrizrenPress.com/