Bashkimi ka marrë një lajm të rëndë para ndeshjes vendimtare të sezonit, pasi qendra amerikane Kenny Wooten ka pësuar një lëndim në dorën e majtë në përballjen ndaj Borës
Sipas klubit prizrenas, dyshimet janë për frakturë, çka nënkupton përfundimin e sezonit për lojtarin, raporton PrizrenPress.
“Në ndeshjen e fundit ndaj Borës, Kenny Wooten pësoi frakturë në dorën e majtë dhe për fat të keq sezona për të ka përfunduar. Ekipi qëndron pranë dhe i uron shërim të shpejtë, me rikthim sa më të fortë në parket”, thuhet në njoftimin e klubit.
Ky zhvillim vjen në një moment vendimtar, pasi KB Bashkimi dhe KB Bora janë në luftë të ashpër për finalen e “Play-off”-it të ProCredit Superligës, me serinë e barazuar 2:2.
Ndeshja vendimtare që përcakton finalistin zhvillohet të mërkurën në Prizren, ku pritet një atmosferë e zjarrtë dhe tension maksimal./PrizrenPress.com/
Marketing
