10.8 C
Prizren
E premte, 29 Mars, 2024

Fillon dezinfektimi kundër rriqrave në Malishevë

Sot ka filluar edhe fushata e dezinfektimit selektiv, të zonave endemike në territorin e Komunës së Malishevës.

Kjo spërkatje po bëhet në kuadër të zbatimit të strategjisë nacionale për luftimin dhe parandalimin e etheve hemorragjike krime kongo (EHKK.

Sipas drejtorit për mbrojtje dhe shpëtim në Komunën e Malishevës, Ahmet Morina, “dezinfektimi ka filluar në fshatin Drenovc, për shkak se këtë vit, janë regjistruar numër më i madh i rasteve të thumbimeve nga rriqrat, ndërsa në disa faza, do të inskenohet i tërë territori i Komunës së Malishevës”.

Fillimin e kësaj fushate, e ka përcjellë nga afër edhe kryetari i Malishevës, Ragip Begaj, drejtori për shëndetësi, Hajdin Berisha dhe përgjegjësit e tjerë komunalë.

Morina, tha se “spërkatjen është duke e kryer kompania “Truly Nolen”, ndërsa preparati që përdorët për spërkatje është “”Masterline Bifinthrin 7.9”. Në këtë fushatë të dezinfektimit janë të angazhuar rreth 50 punëtorë, të pajisur me pompa dore dhe makineri lëvizëse, si traktor, kamioneta dhe të tjera”.

Po ashtu, në të njëjtën kohë, është duke vazhduar edhe repelimi i kafshëve, ndërsa Qendra Kryesore e Mjekësisë Familjare, është duke kryer të gjitha shërbimet për rastet e thumbimeve nga rriqrat, të cilat paraqiten në QKMF të Malishevës.

Sipas drejtorit për shëndetësi, Hajdin Berisha, numri i rasteve të thumbimeve deri më sot është 325 raste dhe fatmirësisht, nuk është regjistruar asnjë rast i infektimit me EHKK.

Më Shumë

Masakra në Krushë të Madhe nga forcat serbe, i mbijetuari Elshani rrëfen se çfarë ndodhi para 25 vitesh

I mbijetuari i masakrës në Krushë të Madhe, Selami Elshani ka rrëfyer në detaje atë se çfarë ndodhi para 25 vitesh në masakrën që...

Antidroga me aksion në Prizren dhe Gjakovë, ka të arrestuar

Drejtoria për Hetimin e Trafikimit me Narkotik, e asistuar nga Policia e Kosovës ka realizuar operacion policor në disa lokacione në Prizren dhe në...

Lajmet e Fundit