21.8 C
Prizren
E premte, 29 Mars, 2024

Fushata mundë Ditën e Flamurit

flamuri kuq e ziRëndësinë e Festës së 28 nëntorit, kësaj radhe, e ka zbehur fakti që kjo festë ka qëlluar të jetë në kohën e fushatës zgjedhore. Institucionet tona dhe partitë politike, tashmë tërësisht janë të fokusuara kah fushata, duke e lënë pothuajse në harresë, një ditë kaq të rëndësishme për shqiptarët, 28 nëntorin.

Politikanët po vazhdojnë fushatat, sharjet e fyerjet mes tyre, duke injoruar, pothuajse, në tërësi këtë ditë të rëndësishme. Analistët thonë se, megjithëse, u injorua kjo festë, si pasojë e fushatës zgjedhore, ajo nuk u shfrytëzuar nga ta në këtë kohë, ku zakonisht nuk lënë festë e as meritë pa përdorur në favor të tyre.

Ardiani Arifi, analist politik, thotë për Kosovapress, se kësaj radhe, fokusi është tek zgjedhjet dhe jo tek festa e 28 nëntorit, e cila ka mbetur nën hijen e kësaj fushate. Ai, madje, thotë se vëmendjen nga kjo festë e ka tërhequr edhe gjuha fyese e kërcënuese, që po përdoret nga kandidatët që janë në garë për kryetar të komunave.

“ Megjithatë, këtë vit, për shkak të zgjedhjeve, sigurisht që fokusi është tek zgjedhjet. Ajo që po vërejmë është se gjuha në këtë fushatë prej një jave për këtë raundin e dytë është pak më e acaruar. Është një gjuhë të cilën po e përdorin garuesit në zgjedhje një gjuhë më e ashpër, me shumë fyerje dhe kjo sikur po e zhvendos tash vëmendjen nga çdo gjë tjetër, nga çdo zhvillim tjetër. Sigurisht që mund ta lë në hije edhe ndonjë festë sikurse festa e 28 nëntorit, sidomos kur e kemi parasysh se institucionet nuk janë të obliguara që ta festojnë“, tha ai.

Por, Arifi, pohon se kjo festë nuk ka mbetur tërësisht nën hije nga qytetarët, pasi që në rrugët e kryeqytetit, tashmë, po shihen të vendosur disa flamuj dhe se, edhe pse nuk festohet në mënyrë institucionale, qytetarët vazhdojnë ta festojnë.

Ndërsa, JusufBuxhovi, historian, thotë se 28 nëntori është një ditë e veçantë për gjithë shqiptarët dhe se kjo datë shqiptarët i sjellë para përgjegjësive të mëdha. Megjithatë, thotë se kjo ditë kaq e rëndësishme për shqiptarët andej e këtej kufirit, nuk është dashur të mbetet nën hijen e zgjedhjeve, të cilat nuk janë dhe aq të rëndësishme.

“Ky 28 nëntor, veçmas në Kosovë, ka rënë nën hijen e zgjedhjeve lokale, nën hijen e zgjedhjeve, të cilat për ka rëndësia nuk duken gjithaq të theksume, por për kah përshtypjet që po i lënë ato po tregojnë se, megjithatë, nuk jemi në nivel të një përgjegjësie, as historike dhe as civilizuese. Kujtoj se në këtë drejtim, bota shqiptare, por në përgjithësi edhe Kosova, ka shumë për të bërë. Neve na duhet që në përgjithësi këto të arritura, sepse krijimi i shtetit të Kosovës, janë të arritura shqiptare, këto të arritura shumë të mëdha t’i përcjellim me mesazhe civilizuese, t’i përcjellim me përmbajtje ku qytetaria, parlamentarizmi dhe liria do të kthehen në një vlerë të përgjithshme. Ku ndërtimi i shtetit ligjit dhe vlerat civilizuese të jenë preokupim dhe jo shteti të shfrytëzohet për të krijuar përfitime të caktuara, siç po ndodh, për fat të keq, edhe në Kosovë edhe në Shqipëri”, thotë Buxhovi për Kosovapress.

Buxhovi, më tej, thotë se as Kosova dhe as Shqipëria, në një ditë historike, siç është 28 nëntori, nuk kanë me se të lëvdohen për punën e bërë. Ai, madje, thotë se zgjedhjet në Kosovë dhe Shqipëri, nuk dhanë një imazh të qartë për një përkatësi evropiane.

“Unë them se shteti shqiptar, por në përgjithësi edhe Kosova, tash në këtë 28 nëntor, nuk kanë me çka të lëvdohen gjithaq, sa i përket rrjedhave shoqërore dhe politike në përgjithësi. Sepse, pas shtetit shqiptar – Shqipërisë, as Kosova nuk ka arrit të kryej tranzicionin dhe demokratizimin e shoqërisë. Kujtoj se zgjedhjet në Kosovë dhe zgjedhjet e kalume në Shqipëri, në njëfarë mënyre, dhanë imazhin jo gjithaq të qartë, për një përkatësi evropiane. Kur them kështu, kam parasysh deficitet e mëdha në jetën shoqërore, në demokratizimin dhe pluralizmin, i cili, siç po shihet, po shfrytëzohet më shumë që elita politike t’i realizojë interesat e tyre, sesa ta shohim interesin e përgjithshëm të botës shqiptare që t’i bashkëngjitet civilizimit evropian”, ka pohuar Buxhovi.

Derisa partitë politike kanë vazhduar fushatën e tyre, institucionet nuk duket se kanë qenë të preokupuara dhe aq me festen e 28 nëntorit. Komuna e Prishtinës, tashmë, ka një agjendë me aktivitete, të cilat janë organizuar për nder të 28 nëntorit. Ndërsa, Qeveria e Kosovës, ende nuk ka një agjendë të qartë se si do ta shënojnë këtë ditë, përveçse paralajmëruan se kjo ditë mund të jetë ditë pushimi./KosovaPress/

Më Shumë

Përurohet Muzeu i masakrës në Krushë të Madhe

Presidentja e Kosovës, Vjosa Osmani ka marr pjesë në përurimin e Muzeut të masakrës së Krushës së Madhe të Rahovecit, raporton Ekonomia Online. Muzeu përmban...

Vetim Shala, shkoi për ta dhënë provimin e mjekësisë në Prishtinë, u përjetësua me diplomën e dëshmorit

Vetim Shala u lind më 28 shtator të vitit 1968 në fshatin Nashec të Prizrenit. Shkollën fillore e kreu në fshatin e lindjes me...

Lajmet e Fundit