15.8 C
Prizren
E martë, 16 Prill, 2024

Obama uron shqiptarët për 101 vjetorin e Pavarësisë

Obama2Presidenti i Shteteve të Bashkuar të Amerikës (SHBA), Barack Obama ka uruar Presidentin e Shqipërisë, Bujar Nishani me rastin e Festës së Pavarësisë.

“I dashur zoti President, si partner krenar dhe mik, Shtetet e Bashkuara iu bashkohen ju dhe popullit shqiptar në festimin e Ditës së Pavarësisë në 28 nëntor. SHBA dhe Shqipëria gëzojnë një partneritet të fortë e të veçantë të bazuar në interesa të përbashkëta”, ka theksuar Obama.

”Unë e vlerësoj përkushtimin e Shqipërisë ndaj paqes dhe sigurisë globale përfshirë edhe përpjekjet tona të vazhdueshme e të përbashkëta në Afganistan, si edhe rolin e Shqipërisë në ruajtjen e qëndrueshmërisë në Ballkan.”

”Pres që të vazhdojmë dhe ta fuqizojmë marrëdhënien tonë në të ardhmen dhe ne zotohemi për mbështetjen tonë të plotë teksa vendi juaj përparon në rrugëtimin drejt integrimit të plotë në bashkësinë euroatlantike”, theksohet në telegramin e presidentit amerikan.

“Pranoni, ju lutem, urimet më të mira të popullit amerikan në përvjetorin e Pavarësisë së vendit tuaj”, thuhet në mesazhin e presidentit Obama.

Ndërkohë, një mesazh urimi ka përcjellur edhe sekretari amerikan i shtetit, John Kerrry.

“Shqipëria është një forcë qëndrueshmërie në Ballkanin Perëndimor dhe Shtetet e Bashkuara janë sidomos mirënjohës për kontributet e saj në Forcën Ndërkombëtare të Sigurisë dhe Ndihmës në Afganistan, si dhe për gatishmërinë për të sistemuar në mënyrë të përhershme ish-banorët e kampit Ashraf”, thuhet në deklaratën e sekretarit të Shtetit.

“SHBA – thotë sekretari Kerry – mbështesin popullin e Shqipërisë në përpjekjet për konsolidimin e sundimit të ligjit dhe reformave ekonomike. Ato mirëpresin rekomandimin e Komisionit Evropian që Shqipëria të marrë statusin e kandidatit të Bashkimit Evropian”.

Mesazhe urimi kanë mbërritur edhe nga personalitete tjera botërore dhe shefa të shteteve dhe të qeverive të vendeve të ndryshme të botës.

Më Shumë

50 euro gjobë, policia paralajmëron sërish këmbësorët që nuk respektojnë rregullat në trafik

Më 3 prill ka hyrë në fuqi Ligji I Ri për Rregullat e Trafikut Rrugor. Me këtë rast, policia ka paralajmëruar edhe një herë këmbësorët...

Urimi i Selmanajt për festën e Fitër Bajramit

Kryetari i LDK-së në Prizren, Driton Selmanaj ka vizituar Bashkësin Islame. Ai ka uruar të gjithë besimtarët Islam për festën Fitër Bajramit. "Dashuria për atdheun dhe...

Lajmet e Fundit