7.6 C
Prizren
E diel, 16 Shkurt, 2025

Haskuka emëron 5 drejtorë të komunës, njërin drejtor e bën nënkryetar

Kryetari i Komunës së Prizrenit, Mytaher Haskuka, ka njoftuar se pas ndryshimeve brenda qeverisjes lokale, ka përcaktuar shumicën e drejtorëve të rinj.

Në njoftimin e publikuar në Facebook, Haskuka ka vënë në krye të drejtorive tri gra, ndërsa në total pesë gra udhëheqin drejtori nga gjithsej 13 sa janë në Komunën e Prizrenit.

Në krye të Drejtorisë së Shëndetësisë, në vend të Visar Shehur, është vendosur Narqize Arënliu Hoxhaj, në Drejtorinë e Bujqësisë dhe Zhvillimit Rural, Agron Limani, në Drejtorinë e Shërbimeve Publike, Osman Krasniqi, në Drejtorinë e Kulturës, Rinisë dhe Sportit, Emilija Redzepi, në Drejtorinë e Urbanizmit dhe Planifikimit Hapësinor, Beni Kizolli, në Drejtorinë e Punës dhe Mirëqenies Sociale, Islam Thaqi dhe në Drejtorinë e Ekonomisë dhe Financave, Leonora Çerreti.

Ish- drejtori i Shëndetësisë, Visar Shehu tani është në pozitën e nënkryetarit të Komunës së Prizrenit.

Njoftimi i plotë i Haskukës:

Të dashur qytetarë,

Pas ndryshimeve brenda qeverisjes lokale, dua t’ju njoftoj se tanimë kam përcaktuar shumicën prej drejtorëve të rinj të drejtorive komunale.

Punën e suksesshme të deritanishme për administratë dhe shërbime efikase, shëndetësi funksionale, regjenerim urban, arsim cilësor, zhvillim të bujqësisë, mbrojtje të trashëgimisë kulturore, zhvillim të turizmit dhe të ekonomisë do të vazhdojmë me:

Nënkryetarin e Komunës, z. Visar Shehu,
Drejtoreshën e Shëndetësisë, znj. Narqize Arënliu Hoxhaj,
Drejtorin e Bujqësisë dhe Zhvillimit Rural, z. Agron Limani,
Drejtorin e Shërbimeve Publike, z. Osman Krasniqi,
Drejtoreshën e Kulturës, Rinisë dhe Sportit, znj. Emilija Redzepi,
Drejtorin e Urbanizmit dhe Planifikimit Hapësinor, z. Beni Kizolli,
Drejtorin e Punës dhe Mirëqenies Sociale, z. Islam Thaqi dhe
Drejtoreshën e Ekonomisë dhe Financave, znj. Leonora Çerreti.

Drejtorët e rinj janë përcaktuar në bazë të eksperiencës dhe kontributit të deritanishëm në fushat e tyre profesionale, si dhe dedikimit të tyre në përmbushjen e objektivave dhe zotimeve tona qeverisëse.

Falënderoj të gjithë drejtorët e rinj për pranimin e detyrave, që do të kërkojnë shumë angazhim dhe përkushtim.

Së bashku, me punë edhe më të mira, do të kalojmë përtej zotimeve!

Më Shumë

Mjekët thonë se një person u soll pa shenja jete në QKMF-në e Malishevës

Policia ka nisur hetimet rreth një rast në Malishevë. Ngjarja ka ndodhur ditën e djeshme rreth orës 14:20. Sipas raportit 24 orësh, një person ishte sjellur...

Historia e këngës së famshme “Light my fire” të The Doors, pse Jim Morrison e urrente Robby Kriegerin

Historia e këngës “Light my fire” E shtunë, 5 gusht 1967. Kënga më e bukur e verës “Light my fire”, nis javën e dytë si...

Lajmet e Fundit