10.8 C
Prizren
E premte, 29 Mars, 2024

Hearn: Joshua do t’i tregojë vendin Furyt në përballjen e shekullit

Eddie Hearn, promotori i njohur i boksit, njëkohësisht menaxheri i boksierit, britanik Anthony Joshua, u shpreh se brenda qershorit do të zhvillohet dueli i unifikimit të titujve kampionë bote në peshën e rëndë.

Përballë Joshuas në këtë sfidë do të jetë i pamposhturi Tyson Fury, një përballje e madhe mes dy boksierëve britanikë që pritet me interes nga fansat në gjithë botën. Sipas Hearn, Joshua po stërvitet fort për këtë sfidë.

“Unë e njoh mirë Joshuan dhe ai mendon vetëm për këtë duel, për këtë sfidë ndaj Furyt. Ai po punon sipas një plani për ta mundur Furyn në këtë përballje dhe të bëhet kampion i padiskutueshëm i botës në peshën e rëndë. Kjo mund të jetë ndoshta sfida më e madhe e historisë së boksit”, ka thënë ai.

“E pëlqej shumë punën që Joshua është duke bërë, përpjekjet e tij për këtë sfidë, mënyra se si po përgatitet, fizikisht e psikologjikisht. Do të jetë një sfidë e madhe, pasi edhe Fury është një boksier fantastik. Jam i sigurt se edhe Tyson po stërvitet fort. Gjithsesi, mund t’ju konfirmoj se Joshua do t’i tregojë vendin Furyt në këtë përballje”, u shpreh Eddie Hearn.

Më Shumë

Haradinaj në Prizren: Koalicioni i prirë nga Aleanca është shndërruar në forcë serioze politike

Kryetari i Aleancës për Ardhmërinë e Kosovës, Ramush Haradinaj, ka thënë se koalicioni parazgjedhor i prirë nga AAK, është shndërruar në forcë serioze politike. Haradinaj...

Muriqi kërkon fitore edhe ndaj Hungarisë!

Sulmuesi i Kosovës, në miqësoren ndaj Armenisë edhe kapiten i kombëtares kosovare, Vedat Muriqi pas ndeshjes së fituar ndaj armenëve me rezultat minimal 0-1 për faqen...

Lajmet e Fundit