17.8 C
Prizren
E mërkurë, 5 Tetor, 2022

Jahjaga, presidente deri më 2016

Atifete jahjagaEdhe pse u zhvillua debat mes aktorëve politikë në vend për postin e presidentit që mbahet nga Atifete Jahjaga, duket se kjo e fundit do të qëndrojë në post deri në fund të mandatit në vitin 2016.

Përfaqësuesit e partive politike – PDK-së, LDK-së dhe AAK-së – thonë për RTK-në se nuk do t’i nxjerrin telashe presidentes Atifete Jahjaga që ta çojë mandatin deri në fund.

Deputeti nga radhët e PDK-së, Behar Selimi, thotë se mandati i presidentit të Kosovës është i rregulluar me Kushtetutën e Republikës së Kosovës dhe se ky mandat, sipas tij, përfundon në vitin 2016.

Ndërsa, partia e cila muaj më parë ishte më e zëshmja për ndërprerjen e mandatit të presidentes Jahjaga, Lidhja Demokratike e Kosovës, vlerëson se nuk kanë arsye për ta kërkuar ndërprerjen e këtij mandati.

Nënkryetari i AAK-së, Ardian Gjini, tha se mandati i presidentit nuk mund të ndërpritet para vitit 2016, përveç nëse ndodhin shkelje të kushtetutës së Kosovës. Ndërsa, në Lëvizjen Vetëvendosje thonë se çdo gjë është e mundshme për partitë politike se “me çdo kusht kanë synim pushtetin e jo përmirësimin e jetës së qytetarëve të Kosovës”.

Njohësi i rrethanave politike ne vend, Adnan Merovci, thotë se pavarësisht deklarimeve, posti i presidentit në Kosovë është i negociumeshëm mes partive të mëdha në vend e të cilat synojnë të bëjnë koalicione pas zgjedhore.

Ditë më parë, ambasadorja amerikane në Kosovë, Tracey Jackobson, ka porositur liderët e partive politike ne Kosovë që mos të llogarisin pozitën e Atifete Jahjagës kur të diskutojnë për koalicione. Megjithatë, mbetet të shihet se çfarë do të ndodhë pas përfundimit të zgjedhjeve nacionale.

Më Shumë

“Batistuta ishte i vrazhdë dhe dorështrënguar”

Antonio Cassano ka pasur fjalë shumë të ashpra për ish-bashkëlojtarin e tij të Romës, Gabriel Batistuta. Antonio Cassano ka tërhequr së fundmi vëmendjen mbi veten...

Kërcënoi me jetë vëllain, i dyshuari nga Kabashi i Hasit shkakton probleme në gjykatë

  Vendimi i Gjykatës për caktimin e masës së paraburgimit e ka mllefosur të dyshuarin nga Prizreni S.K., i cili para pak ditësh përfundoi në...

Lajmet e Fundit