3.8 C
Prizren
E hënë, 22 Prill, 2024

Jashari drejt ekstradimit

DianaKastrati-e ndjeraEkstradimi nga Spanja i të dyshuarit A.Jashari, I cili sipas Prokurorisë mbart mbi vete akuzën për vrasjen e Diana Kastratit, së shpejti do të realizohet.

Aktualisht Prokuroria Themelore në Prishtinë ndodhet në pritje të ekstradimit të tij. Konfirmimi vjen nga kryeprokurori i Prokurorisë Themelore të Prishtinë, Imer Beka, i cili shuan dyshimet dhe dilemat që u ngritën në lidhje me ekstradimin e A.Jasharit, menjëherë pas arrestimit të tij.

Vënia në pranga e Jasharit nga Interpoli në Spanjë hodhi një sërë dyshimesh mbi ekstradimin e tij, duke qenë se shteti spanjoll ende nuk e ka njohur Kosovën. Edhe pse Ministria e Drejtësisë konfirmoi se kanë nisur procedurat për ekstradimin e të dyshuarit, sërish mbi procedurën e ekstradimit u hodh mjegull.

I dyshuari për vrasjen e Diana Kastratit njëherësh edhe ish bashkëshorti i saj, Adnan Jashari, u arrestua më 7 qershor të këtij viti.

Babai i Dianës, Gëzim Kastrati, shprehet se ende nuk ka ndonjë informacion të saktë, por nga Ministria e Drejtësisë ka arritur të mësojë se ekstradimi mund të bëhet brenda 40 ditëve.

“Jam interesuar në Ministrinë e Drejtësisë dhe zyrtarët atje më kanë thënë se afati për ekstradim është 40 ditë. E di që të gjitha procedurat ligjore janë ndjekur nga Ministria e Drejtësisë”, ka thënë Kastrati për Kosova sot.

Çështja që ka protagonist A.Jasharin ndodhet në dorë të prokurores Ferdane Sulejmani, e cila sipas kryeprokurorit të Prokurorisë themelore të Prishtinës, i ka kryer të gjitha procedurat ligjore.

“I kemi kryer të gjitha procedurat dhe jemi në pritje. Meqë është një vepër e rëndë penale, shpresat për ekstradim janë të mëdha, pasi jo vetëm Spanja, por asnjë shtet nuk është i interesuar për të mbajtur një të dyshuar për një krim të rëndë”, ka deklaruar shefi i Prokurorisë Themelore, Imer Beka.

Sipas tij, kjo çështje është me prioritet për organin e akuzës dhe si e tillë do t’i shkohet deri në fund.

Më Shumë

Hysni Temaj, luftëtari i lirisë që ia kthehu krenarin kombit

25 vjet nga rënia e dëshmorit Hysni Sylë Temaj Hysni Sylë Temaj, u lind më 15.11.1976 në fshatin Kushnin të Hasit, që shtrihet rrëzë maleve...

“Shkrepi dhjetë plumba drejt viktimës”, aktakuzë ndaj të pandehurit për vrasjen në Prizren

Prokuroria Themelore në Prizren ka ngritur aktakuzë kundër të pandehurit A.G., për shkak të dyshimit për vrasje të rëndë. Sipas aktakuzës, pasditen e 3 shtatorit në...

Lajmet e Fundit