36.8 C
Prizren
E premte, 19 Gusht, 2022

Kampioni i sapo zgjedhur mposhtet në shtëpi nga Malisheva që po lufton për mbijetesë

Kampioni i sapo zgjedhur i Superligës së Kosovës në futboll, Ballkani e ka festuar me humbje titullin, duke u mposhtur nga Malisheva.

Malishevasit shënuan fitore të rëndësishme në garën për mbijetesë, duke e mposhtur Ballkanin me rezultat 2:3 në udhëtim, në kuadër të javës së 33-të në Superligë.

Sobowale shënoi qysh në minutën e 11-të të ndeshjes, kurse epërsinë e dyfishtë Malishevës ia dha Hasan Hyseni në minutën e 42-të, shkruan Gazeta Express.

Me prekjen e parë të topit, Albion Rrahmani shënoi gol me kokë, duke ngushtuar epërsinë në minutën e 60-të, por dy minuta më vonë Xhevdet Shabani e riktheu epërsinë e dy golave për mysafirët.

Krejt në sekondat e fundit, Ballkani shënoi edhe golin e dytë nëpërmjet Ermal Krasniqit, por ishte shumë vonë.

Me këtë fitore, Malisheva tani ngjitet në vendin e shtatë me 43 pikë dhe ikën nga pozita e tetë që dërgon në barazh.

Në anën tjetër, Ballkani është i pari me 70 pikë gjithsej dhe e ka siguruar matematikisht titullin e kampionit, të parin në histori të klubit.

/Gazeta Express/

Më Shumë

Rrihen dy kunata në Prizren

Mbrëmë në Prizren është raportuar një rast i dhunës në familje pasi viktima femër ka raportuar se është rrahur nga kunata. Kështu bëhet e ditur...

Vdes një 23-vjeçar pas një vetaksidenti në Studeqan të Suharekës

  Një 23-vjeçar ka vdekur pas një vetaksidenti në fshatin Studeqan të Suharekës. Lajmin për Klankosova.tv e ka konfirmuar udhëheqësi i i zyrës së operatives në...

Lajmet e Fundit