Kick-boksierët e rinj nga Kosova, kanë fituar tri medalje të bronzta në Kampionatin Evropian Wako të Kick-boksit, që u mbajt në Budva të Malit të Zi, për kadet të vjetër dhe junior.
Dalmat Salihaj në kategorinë deri në 60 kilogramë, Dardan Syla në atë 71 kilogram dhe Doneta Menxhqi e cila garoi në kategorinë deri në 60 kilogramë, u ngjitën në podium.
Salihaj në raundin e parë e kaloi pa luftë, ndërsa në të dytin e mundi boksierin nga Azerbajxhani, Akbar Asadov, kurse në gjysmëfinale u mund nga rusi Zaev Danil.
Ndërkohë, Syla dhe Menxhiqi, u mposhtën në gjysmëfinale, ku deri aty shkuan pa luftë të zhvilluar.
Komiteti Olimpik i Kosovës uron kick-boksierët kosovarë dhe Federatën e Boksi të Kosovës për suksesin e arritur.
/Albanianpost.com