13.8 C
Prizren
E enjte, 28 Mars, 2024

Kosovës i duhet transparenca

Forum2015Transparenca i duhet Kosovës si asnjëherë më parë është vlerësuar në tryezën me temën “Transparencë – Pse Kosovës i duhet Partneriteti për Qeverisje të Hapur dhe Nisma për Transparencë në Industrinë Nxjerrëse?”, të organizuar nga “Forumi 2015”.

Panelistët në këtë tryeze kanë thënë se në parim, e drejta e qytetarëve për të pas qasje në informacion del nga fakti se përfaqësuesit e zgjedhur të popullit që shpenzojnë para të taksapaguesve, dhe përdorin fuqinë e tyre për ta bërë këtë punë, duhet mbikëqyrur për të mësuar se si përdoret ky mandat ekzekutiv dhe si shpenzohen këto para.

Në kuadër të kësaj tryeze, drejtues të Instituti Riinvest kanë prezantuar raportin “Identifikimi i politikave të qeverisjes së hapur”, realizuar në kuadër të projektit regjional “Avokim për Qeverisje të Hapur”.

Ky raport ka analizuar progresin dhe mangësitë e Kosovës në fushat kryesore të qeverisjes në të cilat bazohet Nisma e Partneritetit për Qeverisje të Hapur (OGP). Kjo nismë (OGP) ka të bëjë me bashkëpunimin gjithëpërfshirës për përmirësim të qeverisjes së hapur.

Panelistët kanë thënë se Kosova është në fazat e para të procesit të anëtarësimit në OGP dhe synon përpilimin e planit shtetëror të veprimit për qeverisje të hapur.

Sipas tyre, plani i veprimit duhet të jetë produkt i marrëveshjes konsesuale mes Qeverisë, organizatave të shoqërisë civile, komunitetit të biznesit dhe grupeve të tjera të interesit, që synon rritjen e transparencës, fuqizimin e qytetarëve, luftimin e korrupsionit dhe shfrytëzimin e teknologjive të reja për forcim të qeverisjes.

Finsik Reqica nga RIINVEST ka thënë se ky studim si i pari i këtij lloji në Kosovë ka mbledhur në një vend parimet kryesore të qeverisjes së hapur dhe zbatimin e tyre në Kosovë, me qëllim të ofrimit të një baze informatash dhe njohurish për të shërbyer në përgatitjen e planit shtetëror të veprimit në kuadër të Nismës OGP.

“Transparenca është e nevojshme për shtetin e Kosovës, qeveritë botërore të cilat janë të inkuadruara në kuadër të nismës OGP, provojnë transparencën me qëllim të fuqizimit të qytetarit, me qëllim të luftimit të korrupsionit, dhe me qëllim të inkuadrimit të teknologjisë dhe inovacionit për forcim të qeverisjes”, ka thënë ai.

Paul Maassen, koordinator për shoqëri civile nga Nisma e Partneritetit për Qeverisje të hapur ka thënë se Kosova para se të aderoi në OGP duhet të jetë e gatshme për nivel bazil, themelor të llogaridhënies dhe transparencës.

“Sa i përket asaj që kur do të aderoi Kosova, pozita e Kosovës është që Kosova t`i bashkëngjitet OGP dhe duhet të mendojmë se si do të bëhet kjo dhe së shpejti do të kem një zgjidhje për këtë. Nëse shikoni tek vendet tjera që i janë bashkangjitur OGP ose çfarë do të thotë të jeni të gatshëm për OGP, do të thotë të keni niveli bazike themelore të llogaridhënies, llogaridhënies fiskale, mirëpo çfarë mund të jetë dallimi në mes të kësaj si anëtar i suksesshëm. Kjo është në dy nivele ka të bëjë me atë se sa mirë e njiheni procesin apo çfarë keni parë deri më tani. Mendoi që ekspertëve iu nevojitet një përvojë e gjatë që të jenë të përfshirë në proceset kosovare, një proces i mirë për OGP, do të thotë që të shfrytëzohen politika qeveritare dhe të bëhet një partneritet i mirë dhe të këtë konsultime”, ka thënë Maassen, transmeton RTK.

Tryeza mbi këto çështje sipas organizatorëve ndikon direkt në fuqizimin e vazhdueshëm të rolit të shoqërisë civile, si një nga katër kriteret e Nismës OGP dhe ofron një rast më shumë për të avancuar procesin e ndërtimit të një konsensusi gjithë shoqëror për qeverisje transparente.

Më Shumë

Mot me diell dhe i ngrohtë

Për sot parashihet të mbajë mot kryesisht me diell dhe i ngrohtë. Era do fryjë nga jugperëndimi, e cila kohë pas kohe pritet të jetë...

Hajnat futen në tri shtëpi në Rogovë, vjedhin mijëra euro dhe stoli ari

Një fenomen mjaft shqetësues për qytetarët e Kosovës janë bërë vjedhjet e shpeshta nëpër shtëpi, që po shkaktojnë ankth e pasiguri, sidomos kur mbesin...

Lajmet e Fundit