25.8 C
Prizren
E martë, 23 Korrik, 2024

Kryeziu: PDK-ja qeverisi keq në Malishevë

EqremKryeziu-MalisheveDega e Lidhjes Demokratike të Kosovës e Malishevës organizoi një takim me qytetarët e fshatit Pagarushë. I pranishëm ishte edhe anëtari i Kryesisë qendrore të LDK-së, Eqrem Kryeziu.

Kryetari i Degës së LDK-së në Malishevë, Januz Kastrati, theksoi se tashmë të gjithë qytetarët e Malishevës e kanë kuptuar se LDK-ja dhe kandidati i saj është alternativa më e mirë për ta qeverisur Malishevën.

Ndërsa, anëtari i Kyesisë Qendrore, Eqrem Kryeziu tha se qytetarët e Malishevës e provuan qeverisjen e keqe të PDK-së, e cila i dëmtoi shumë në të gjitha poret e jetës. “Prandaj duhet votuar LDK-në dhe kandidatin e saj, Salih Morina, në mënyrë që kësaj komune t’i rikthehet dinjiteti i humbur”.

Në fund, fjalën e mori kandidati për kryetar komune, Salih Morina, i cili paraqiti para qytetarëve të fshatit Pagarushë platformën e tij qeverisëse, e cila do të jetë në dobi të avancimit dhe zhvillimit ekonomik, infrastrukturës, arsimit etj.

Morina u shpreh i bindur se këto zgjedhje do t’i fitojë LDK-ja në Malishevë, pasi ajo është parti e vlerave, është parti e presidentit historik dr. Ibrahim Rugova.

Ai u premtoi qytetarëve të Pagarushës se të gjitha kërkesat dhe nevojat e tyre, si: kanalizimi, ujësjellësi, trotuaret etj., do të realizohen gjatë mandatit të tij qeverisës./PrizrenPress.com/

Më Shumë

Përfshihen nga zjarret disa fusha dhe male në Suharekë

Kanë marrë flakë edhe fushat dhe malet e Suharekës. Lajmin e ka bërë të ditur Organizata Vullnetare Zjarrfikësit dhe Shpëtimit. “Suhareka përfshihet nga zjarre të mëdha...

Zafir Berisha kujton betejën për liri a vdekje në Vërri të Prizrenit, 26 vjet më parë

Ish-komandanti i Ushtrisë Çlirimtare të Kosovës (UÇK) në rajonin e Prizrenit, Zafir Berisha – Zafa, ka kujtuar 26 vjetorin e betejës në Vërri të...

Lajmet e Fundit