Kryetari i Komunës së Rahovecit, Smajl Latifi, ka bërë apel tek të gjithë kryetarët e këshillave të fshatrave dhe lagjeve urbane në Qytetin e Rahovecit, që sa më shpejtë të jetë e mundur t’au dërgojnë listën e familjeve që kanë nevojë për pako ushqimore dhe higjienike.
Sipas Latifit, pas situatës së krijuar nga rreziku i infeksionit COVID-19, ka shumë familje të cilat në këto ditë jo të lehta kanë nevoja të shumta dhe nuk kanë mundësi për të përmbushur kërkesat themelore për familjet e tyre.
“Ky apel bazohet edhe në vendimin e fundit të marrë për themelimin e Nënshtabeve Lokale për parandalimin e infeksionit COVID-19, e të cilat duhet të jenë në koordinim të plotë me Shtabin e Posaçëm Emergjent Komunal në Rahovec”.
“Lista duhet të përmbajë: emrin, mbiemrin, numrin e telefonit, vendbanimin dhe numrin e anëtarëve të familjes”.
“Listën mund ta dërgoni në emailin: Komuna.rahovec@rks-gov.net”, thuhet në njoftimin e Komunës së Rahovecit.
