16.8 C
Prizren
E premte, 14 Qershor, 2024

Në zemër

Skender Berisha

Strehuar të kam në këtë kuvli

këndon herë-herë sikur kumri
më zgjon kur stepem ndokund
ma zgjat dorën për përkëdheli

nuk di si zure vend kur ke hy
dashurisht të them rri moj aty
u paluan kohë e ditë palë-palë
nëpër pulsin tim të ndiej të valë

trokon zemra me timbrin tënd
vjen çasti edhe kur humb rend
diçka e dashur tash më tremb
se nuk e di dhemb a s’dhemb

ngjesh dorën te zemra e ndrydh
mos del që andej moj e brydhtë
se më mbulon frik nata e dylltë
duke t’kërkuar qytetit të shurdhtë

Skender Berisha

 

Më Shumë

MKRS-ja shkruan për koncertin e mbrëmshëm të Shkurte Fejzës: I solli publikut emocione të mëdha

“Me këngë të paharrueshme që për pesë dekada ka mbajtur gjallë atdhedashurinë e shqiptarëve dhe rezistencën e tyre, mbrëmë këngëtarja Shkurte Fejza i solli...

Broja: Dua që emri im të mos harrohet kurrë

Sulmuesi Armando Broja është një nga lojtarë më të mirë që ka Kombëtarja e Shqipërisë. Sulmuesi i Shqipërisë, në një intervistë për “Gazetta dello...

Lajmet e Fundit