16.8 C
Prizren
E premte, 14 Qershor, 2024

Pesë kineastë e çojnë Qendrën Kinematografike në Prokurori

20140724084346273646Pesë kineastë, që ishin pjesë e konkursit për financim të filmit të gjatë të Qendrës Kinematografike të Kosovës, kanë adresuar në Prokurorinë Themelore të Prishtinës kallëzimin e tyre, siç pretendojnë ata, për keqpërdorimet dhe shkeljet ligjore gjatë procesit të përzgjedhjes së projekteve fituese. Avokati, që përfaqëson regjisorët Agim Sopi, Ekrem Kryeziu, Jeton Ahmetaj, Mentor Spahiu dhe producentin Bujar Berisha, e ka dorëzuar kallëzimin penal në Prokurori.

Në një kopje të kallëzimit penal që e ka siguruar gazeta, thuhet se paditësit propozojnë që të anulohet vendimi për fituesit e konkursit vjetor për bashkëprodhimin e filmave të metrazhit të gjatë, për shkak të shkeljes së procedurës së konkursit.
Sipas kallëzimit penal, paditësit konsiderojnë se konkursi ka qenë i manipuluar nga udhëheqësit e QKK-së dhe se shpallja e fituesve të konkursit ka qenë krejtësisht në kundërshtim me dispozitat e Ligjit për kinematografi,shkruan KD.

E me gjithë faktin që është ngritur kallëzim penal, Qendra Kinematografike nuk e ka ndërmend ta ngrijë procesin, por do të vazhdojë punën. Konkursi për financim të filmit të gjatë ishte shoqëruar me ankesa e paralajmërime për padi. “Engjëjt janë larg” me skenar e regji të Gjergj Xhuvanit, në të cilin me rol kryesor paraqitet aktorja Teuta Krasniqi, motra e ministrit Memli Krasniqi dhe “Cirku fluturues” me skenar e regji të ish – drejtorit të QKK-së, Fatos Berisha, janë në mesin e filmave fitues të këtij konkursi, për të cilët pas shpalljes së rezultateve reagimi kishte qenë edhe më i madh

Më Shumë

Begaj për Adem Jasharin: Burra të tillë rrallë i lindë historia

Kuvendi i Kosovës ka mbajtur seancë solemne me rastin e 25 vjetorin e çlirimit të vendit. Fjalim rastin mbajti edhe presidenti i Shqipërisë, Bajram Begaj. Ai...

Osmani, Kurti e Konjufca në shënimin e 146-vjetorit të Lidhjes Shqiptare të Prizrenit

Presidentja vendit, Vjosa Osmani, kryeministri Albin Kurti, si dhe kryetari i Kuvendit të Kosovës, Glauk Konjufca, po marrin pjesë në shënimin e 146-vjetorit të...

Lajmet e Fundit