Nën moton “Dërrasa dhe maska”, të premten fillon Festivali i Tetë Ndërkombëtar “Skupi Festival”.
Festivali do të hapet me shfaqen teatrale “Të gjithë zogjtë tashmë janë atje” e regjisorit gjerman Eberhard Koler. Shfaqja është koproduksion i Teatrit Shlaht’haus nga Zvicra dhe Teatri Pokolenij nga Rusia.
Gjatë shtatë ditëve të festivalit do të performohen tetë realizime të shtatë shfaqjeve të cilat do të interpretohen në skenën e Qendrës Kulturore Rinore dhe Teatrit Komedi.
“Disa dërrasa dhe disa maska janë gjithçka që i duhen një teatri që të bëhet shfaqe e mirë teatrale. Gjithçka tjetër është kreativitet dhe imagjinatë”, theksoi në konferencë për shtyp selektori i festivalit, Senko Velinov, duke sqaruar idenë për moton e sivjetme të festivalit.