Në 22-vjetorin e rënies heroike të komandantit legjendar Adem Jashari, familjes Jashari, dëshmorëve të kombit, si dhe të gjithë të rënëve për liri, Qeveria e Kosovës më 5, 6 dhe 7 mars organizon manifestimin gjithëpopullor “Epopeja e Ushtrisë Çlirimtare të Kosovës”.
Manifestimet kanë nisur me seancën solemne të Kuvendit të Kosovës. Kryetarja e Kuvendit të Kosovës, Vjosa Osmani, ka kujtuar sakrificën e familjes Jashari. “Në kujtim të përhershëm për të gjithë anëtarët e familjes Jashari që ranë për lirinë që ne e gëzojmë sot. Sakrifica e tyre është dritë udhërrëfyese për brezin tonë e brezat që vijnë pas nesh”, ka thënë Osmani, raporton Koha.
Po ashtu Ministria e Arsimit njofton se ora e parë e mësimit në të gjitha shkollat e vendit sot do t’i kushtohet Epopesë së UÇK-së.