21.8 C
Prizren
E premte, 29 Mars, 2024

Një faqe turke në internet thotë se krimineli serb Arkan po lufton në Nagorno-Karabakh

Një faqe në gjuhen turke në Twitter ka postuar një foto, në të cilën pretendohet se është krimineli serb, Zheljko Raznatoviq, i njohur me nofkën “Arkan”.

Aty thuhet se ai po merr pjesë në luftimet në mes të Armenisë dhe Azerbajxhanit për enklavën e Nagorno-Karabakh.

Sipas faqes Derindusunce.org, Arkan – që zyrtarisht dihet se ka vdekur në një atentat që iu bë afër një hoteli në Beograd me 15 janar të viti 2000 – po lufton si mercenar, shkruan Insajderi.

Postimi për kriminelin serb që njihet për krimet në luftërat e Ballkanit, u larguar një orë pasi u postua.

Mediat serbe e kanë komentuar lajmin për Arkanin si një lajm të rremë.

Arkan ishte komandant i ushtrisë paramilitare serbe dhe shefi i Gardës Vullnetare Serbe gjatë luftërave në Jugosllavi.

Ai ishte në listën e Interpolit si një nga njerëzit më të kërkuar në Evropë për hajni, vrasje dhe krime të tjera.

Ai më vonë ishte akuzuar nga Tribunali Ndërkombëtar për Krime për ish-Jugosllavinë, nën akuza për krime kundër njerëzimit.

Deri në vdekjen e tij, ai njihej si figura më e fuqishme e krimit të organizuar në Ballkan.

Në janar të vitit 2000 ai u sulmua në Beograd ku ishte plagosur dhe më pas vdiq nga plagët, para se të fillonte procesi gjyqësor kundrejt tij./Insajderi.com

Më Shumë

Krasniqi përkujton të rënët në masakrën e Krushës së Madhe: Asnjëherë s’do të lejojmë që sakrificat e popullit tonë të harrohen

Kryetari i Partisë Demokratike të Kosovës (PDK), Memli Krasniqi, e ka përkujtuar Masakrën e Krushës së Madhe, që ndodhi 25 vjet më parë. Në këtë...

“I trishtuar”, Acerbi thyen heshtjen pas shpalljes së pafajësisë për rastin e racizmit

Francesco Acerbi këmbëngul se ai nuk është racist dhe se ‘racizmi është një gjë serioze’, por kishte frikë se karriera e tij do të...

Lajmet e Fundit