Aktivistët e kulturës në Prizren organizojnë shënimin e shtatë vjetorit të vdekjes së aktorit Bekim Fehmiu.
Më 15 qershor të vitit 2010-të, u shua aktori Bekim Fehmiu. Kësisoj më 15 qershor të vitit 2017-të, bëhen gjithsej shtatë vite pa yllin e teatrit dhe kinematografisë,aktorin Bekim Fehmiu.
E pikërisht për të shënuar këtë përvjetor organizatat dhe aktivistët e kulturës në Prizren organizojnë shënimin e shtatë vjetorit të vdekjes së aktorit Bekim Fehmiu, të enjten duke filluar nga ora 12:00, ku do të nis tubimi në Sheshin e Lidhjes (te Ura e Arastës).
Pas këtij tubimi, në orën 12:10 do të gjuajnë lule në lumë ndërkaq pesë minuta më vonë do të mbahet një fjalë rasti nga Fahri Musliu dhe Veton Nurkollari.
Në orën 12:30 do të bëhet paralajmërimi i nismës ‘Bekimi i Prizrenit’ ndërsa në orën 21:30 në mbrëmje do të shfaqet filmi ‘Mbledhësit e puplave’ në kejin e Lumbardhit.
Ky është programi i organizuar nga organizatat dhe aktivistët e kulturës në Prizren me nismën ‘Bekimi i Prizrenit’.