Kryetari i Nderit i LDK-së, Fatmir Sejdiu i ka kërkuar Isa Mustafës ta mbajë premtimin dhe ta bëjë Flamurin e Dardanisë Flamur Shtetëror të Republikës së Kosovës.
Sejdiu ka thënë se edhe himni i Kosovës duhet të zëvendësohet me atë “Kur ka ra Kushtrimi n’Kosovë”.
“z. Mustafa duhet të realizojë atë që e ka thënë me PO’në para qytetarëve të Kosovës, të kthejë flamurin e Dardanisë, atë që është simbol i Lidhjes Demokratike të Kosovës… apo të bëjë himnin “Kur ka ra kushtrimi në Kosovë”.
Lideri i LDK-së, Isa Mustafa, kishte premtuar se me marrjen e pushtetit do ta ndërronte flamurin shtetëror me atë të Dardanisë. Ai kishte premtuar se do ta ndërronte edhe himnin shtetëror.