16.8 C
Prizren
E mërkurë, 27 Shtator, 2023

Shqipëria në zi, sot i jepet lamtumira e fundit ish-presidentit Nishani

Sot do t’i jepet lamtumira e fundit ish-presidentit të Shqipërisë, Bujar Nishani. Sipas protokollit zyrtar, prej orës 10:00 deri në ora 12:00 do të zhvillohet ceremonia e homazheve në mjediset e Presidencës.

Më pas trupi i pajetë do të drejtohet drejt varrezave të Sharrës ku do të prehet ish-presidenti.

Këshilli i Ministrave të Shqipërisë shpalli ditën e sotme ditë zie kombëtare. Sipas vendimit të qeverisë, në të gjitha institucionet shtetërore dhe publike të ulet flamuri kombëtar në gjysmështizë.

Nishani u nda nga jeta pesë ditë më parë në një spital në Gjermani ku ishte shtruar prej javësh. Ai vuante nga një sëmundje autoimune e mëlçisë dhe pasojat që i la COVID-19, fatkeqësisht, e përkeqësoi gjendjen e tij.

Trupi i pajetë i ish-presidentit Nishani mbërriti në atdhe në orët e para të së mërkurës, ndërsa në sallën “Skënderbeu” në Presidencë, gjatë ditës së djeshme janë mbajtur homazhe.

Dioqeza Rashkë-Prizren: Personat e armatosur janë larguar nga Manastiri i Banjskës

Dioqeza Rashkë-Prizren ka thënë se situata në Manastirin e Banjskës aktualisht është e qetë dhe se personat e armatosur janë larguar nga manastiri. Dioqeza potencoi...

Kosova barazon me Bullgarinë në Ligën e Kombeve

Kombëtarja e Kosovës ka barazuar me Bullgarinë në ndeshjen e parë të Ligës së Kombeve në konkurrencën e femrave. Ndeshja e zhvilluar të martën në...

Lajmet e Fundit