2.7 C
Prizren
E premte, 7 Shkurt, 2025

Suhareka hynë në zonën e kuqe për COVID-19

Ministria e Shëndetësisë ka bërë kategorizimin e ri të komunave sipas zonave, bazuar në numrin e rasteve brenda një jave në 100 mijë banorë, brenda 7 ditësh.

Sipas MSH-së në zonën e kuqe vazhdojnë të jenë Prishtina dhe Fushë-Kosova si dhe këtë javë hyjnë edhe Suhareka dhe Zveçani.

Në këto komuna, lëvizja e qytetarëve është e lejuar deri në orën 21:30, ndërsa ndërprerja e lëvizjes zgjat deri në 05:00.

Në zonën e verdhë janë 10 komuna: Podujeva, Mitrovica e Veriut, Mitrovica e Jugut, Lipjani, Obiliqi, Vushtrria, Prizreni, Peja, Gjakova dhe Ferizaj.

Ndërkaq në zonën e gjelbër për këtë javë janë 24 komuna: Gjilani, Deçani, Vitia, Klina, Rahoveci, Dragashi, Drenasi, Istogu, Malisheva, Kamenica, Juniku, Skenderaji, Leposaviqi, Kaçaniku, Kllokoti, Zubin Potoku, Mamusha, Novobërda, Hani i Elezit, Parteshi, Ranillugu, Shtërpca, Graçanica dhe Shtimja.

Në këto komuna, operatorët ekonomikë e kanë të lejuar operimin deri në orën 22:00, ndërsa pas saj shërbimin me vete. Nuk do të ketë pengesë për lëvizjen e qytetarëve.

Në zonë të kuqe futen komunat që kanë mbi 150 raste me COVID-19 në 100.000 banorë brenda shtatë ditëve, në zonë të verdhë komunat në 76 deri në 150 raste me COVID, ndërsa në atë të gjelbër futen komunat që kanë deri në 75 raste.

Më Shumë

Kurti në Prizren: Do t`i vazhdojmë punët e mira në ngritjen e mirëqenies

Lëvizja Vetëvendosje ka mbajtur tubim me qytetarët në Prizren. Kandidati për kryeministër i kësaj partie, Albin Kurti ka thënë se me qeverisjen e Vetëvendosjes...

Fatmir Limaj: Billusha e Prizrenit, me vullnet dhe besim, rreshtohet pranë njerëzve që kanë veçVEPRA

Kryetari i NISMA-s, Fatmir Limaj lajmërohet nga Prizreni, ku thotë se në Billushë u pritën me shumë vulnet e besim nga qytetarët. Limaj thotë se...

Lajmet e Fundit