Zëvendëskryeministri njëherësh ministri i Jashtëm Hashim Thaçi thotë se sulmi ndaj varrezave në Dedaj-Romajë është “akt barbar” mbi vlerat universale njerëzore, që tradicionalisht janë respektuar në Kosovë.
Thaçi ka dënuar këto akte, duke thënë beson se asnjë forcë nuk mund të mbjet “përçarje mes qytetarëve të Kosovës”, raporton lajmi.net
“Me indinjatë te thellë mora lajmin për rrënimin e varrezave në Dedaj – Romajë të Hasit. Ky sulm i varrezave katolike është akt barbar mbi një vlerë universale njerëzore, që tradicionalisht është respektuar në vendin tonë. Duke shprehur keqardhje dhe duke u solidarizuar me banorët e Dedajve në Romajë, jam i bindur që nuk ka forcë që mund të mbjell përçarje mes qytetarëve të Kosovës, që shquhen për tolerancë fetare, respekt të ndërsjellë dhe harmoni religjionesh”, shkruan Thaçi në Facebook./lajmi.net