Që pas lëndimit serioz në një aksident në New Jersey komiku Tracy Morgan ka folur për herë të parë, para opinion publik. Aktori i serialit “30 Rock” u hospitalizua më 7 qershor, si pasojë e një aksidenti të rëndë – kur një kamion goditi limuzinën me të cilën ai udhëtonte dhe në atë aksident humbi jetën mentori dhe kolegu i tij, James ‘Jimmy MACk’ MCNair.
45-vjeçari ka dalë nga spitali në javën e kaluar dhe është kthyer në shtëpi për të vazhduar shërimin, pasi ka thyer këmbën, hundën dhe disa brinjë.
“Jam mirë. Ndjehem i fortë. Ju dua. Faleminderit shumë. E vlerësoj”, u ka thënë aktori fotoreporterëve jashtë shtëpisë së tij. Vozitësi i kamionit do të përballet me proces gjyqësor, pasi e kishte zënë gjumi duke vozitur.