Trajneri i futbollit, Aaron Feis i cili mbuloi nxënësit nga breshëria e plumbave që po vinin nga një ish-nxënës në Florida, ka vdekur nga plagët e marra.
Ai ka vdekur gjatë operimit, ka njoftuar zyrtarja e shkollës, Denise Lehtio.
“Vdiq ashtu siç jetoi – gjithnjë i vendoste të tjerët para vetes”, ka thënë Lehtio. “Ishte shpirtmirë, njeri shumë i mirë. Vdiq si hero”.
Feis është në mesin e 17 personave që u vranë nga breshëria e ish-nxënësit të shkollës që hapi zjarr në kampusin e shkollës.