Pak orë më parë në disa medie elektronike është raportuar se Këshilli Drejtues i Universitetit të Prishtinës “Hasan Prishtina”, i ka dhënë ultimatum rektorit Ramadan Zejnullahu që të jap dorëheqje ose në të kundërtën Këshilli do ta shkarkoj atë, për shkak të protestave të vazhdueshme të OVL-ve të UÇK-së që ta zbatoj memorandumin për regjistrimin e rreth 1 mijë studentëve të kategorive të dala nga lufta.
Mirëpo, këtë lajm e ka hedhur poshtë vetë i pari i UP-së, Ramadan Zejnullahu.
Ai në një prononcim për “Zëri”, në mënyrë kategorike e ka mohuar këtë gjë, duke thënë se nuk asnjë informatë në lidhje me atë që është thënë në media.
“Nuk ka të vërtetë asgjë në këtë drejtim”, ka thënë shkurt Zejnullahu për “Zëri”.