9.8 C
Prizren
E premte, 29 Mars, 2024

Zyra e Koordinatorit Nacional për Kulturë, Rini dhe Sport: Shpërblimet për nxënësit do të realizohen 100 përqind

Zyra e Koordinatorit Nacional për Nacional për Kulturë, Rini dhe Sport në Qeverinë e Republikës së Kosovës, është sqaruar sot lidhur me raportimet e djeshme nëpër media për vonesat në ndarjen e shpërblimeve për nxënësit fitues në garën e diturisë.

Kjo zyrë njofton se nuk shpall e as nuk menaxhon tenderë, por ato bëhen nga Zyra e Prokurimit Publik, transmeton Klan Kosova.

“Po ashtu, sqarojmë se librat do t’u dhurohen 6,026 nxënësve fitues të garës së nivelit komunal si dhe të gjithë nxënësve fitues të klasës së I-rë dhe të II-të në garën e Diturisë niveli shkollor, e jo siç pretendohet në artikull për 44 mijë nxënës”.

“Së dyti, KNKRS garanton se shpërblimet për 44,723 nxënës fitues po realizohen 100 përqind dhe më shumë sesa kaq. Vonesat dhe procedurat e prokurimit nuk janë në dorën tonë. Tashmë janë shpërndarë 44,723 certifikata qeveritare dhe ekziston Arkiva e Nxënësve Fitues për garat në nivel shkolle, komune e republike në Garat Nacionale në Kreativitet Kulturor e Mendim Kritik si dhe në Garat Nacionale të Diturisë”, thuhet në kumtesë.

Njoftohet se tashmë ka filluar procedura administrative e pagesës së bursave për të gjithë nxënësit fitues në shkallë republike.

“Po ashtu, kanë përfunduar shpërblimet e Kampeve Kreative për mbi 400 nxënës fitues në shkallë republike të cilat janë mbajtur në Shqipëri dhe në Malet e Sharrit për tri jave rresht, nën përcjellje 24 orëshe të policisë të të dyja shteteve dhe fituesit e mendjes dhe të krijimit kampionë janë trajtuar në mënyrë të tillë gjatë gjithë kohës”.

“Për më shumë, prej Garave Nacionale në Dituri dhe Kreativitet Kulturor e Mendim Kritik prej 316 mijë nxënës sa ka gjithsej në Republikën e Kosovës në nivelin fillor, të mesëm të ulët e të lartë, janë shpallur 44,723 fitues nga 29 komuna pjesëmarrëse. Në nivelin shkollor janë gjithsej 40,624 fitues. Në nivel komunal në të dyja garat janë 3545 fitues ndërkaq në nivelin republikan janë shpallur 554 fitues”.

“Krejt në fund, me gjithë vështirësitë, huqjet për të vërtetën e lajmit aty-këtu, falënderimi i veçantë i kësaj teme i shkon mediave të cilat e bënë publike lajmin se KNKRS në koordinim me Drejtoritë Komunale të Arsimit, shkollat dhe partnerët tjerë mbështetës, ka realizuar një prej projekteve të mëdha që ka Programi Nacional për Rininë i Qeverisë së Republikës së Kosovës”.

“Qeveria me vendimin e saj historik, ka mbushur e funksionalizuar mosrealizimin e plotë të Nenit 47 të Kushtetutës së Republikës mbi të drejtën dhe obligimet e arsimit dhe edukimit në përgjithësi për të gjithë nxënësit e vendit pa dallim”.

Më Shumë

Përurohet Muzeu i masakrës në Krushë të Madhe

Presidentja e Kosovës, Vjosa Osmani ka marr pjesë në përurimin e Muzeut të masakrës së Krushës së Madhe të Rahovecit, raporton Ekonomia Online. Muzeu përmban...

Osmani merr pjesë në tubimin përkujtimor në 25 vjetorin e masakrës në Krushë të Madhe

Presidentja e vendit, Vjosa Osmani do të marrë pjesë në tubimin përkujtimor në 25 vjetorin e masakrës në Krushë të Madhe, me fillim të...

Lajmet e Fundit