Gjykata Kushtetuese në Spanjë ka vendosur të mos lejojë mbajtjen e referendumit në Katalunja, më 9 nëntor të këtij viti.
Ky vendim vjen pas kërkesës së qeverisë spanjolle për të ndaluar këtë referendum, të cilin ajo e cilësoi si shkelje të kushtetutës së vendit.
Përveç ndalimit, qeverisë katalanase nuk do t’i lejohet edhe mbajtja e fushatave dhe mitingjeve. Megjithatë, ky vendim nuk e ka “trembur” qeverinë katalanase, e cila ka thënë se do ta apelojë vendimin.
Gjatë kohës që gjykata do të studiojë ankesat dhe deri sa të dalë me një vendim, në Katalunjë do të ndalohen të gjitha fushatat lobuese për ndarjen nga Spanja.
Asambleja Kombëtare Katalanase, grupimi më i madh lobues pro pavarësisë, ka mbledhur sot mijëra mbështetës për të protestuar kundër vendimit të gjykatës.