Kryetari i Komunës së Prizrenit, Shaqir Totaj, ka bërë me dije se kanë nënshkruar memorandum bashkëpunimi me përfaqësuesit e projektit “Integra – Nxitja e ri integrimit të qëndrueshëm lokal të grave dhe të rinjve të kthyer dhe njerëzve të cenueshëm lokalë në Kosovë”, i përfaqësuar nga Fondacioni për Zhvillim të Qëndrueshëm Ekonomik – PREDA Plus Kosovë dhe WEntrepreneur si dhe me mbështetjen e Arbeiter Samariter Bund – ASB.
“Integra synon integrimin social dhe ekonomik në vendin e origjinës së të kthyerve si dhe grupeve në rrezik, që do të kenë një perspektivë për të qëndruar, përmes ngritjes së kapaciteteve, punësimit dhe vetëpunësimit, që do t’u mundësojë atyre të gjenerojnë të ardhura për familjet e tyre dhe ta ndërtojnë jetën e tyre në Kosovë. Me këtë rast po mbështetet themelimi i 17 bizneseve fillestare nga Komuna e Prizrenit që promovojnë ide krijuese, të cilat do të jenë biznese të sapo regjistruara që kanë ide krijuese për produkte dhe shërbime, të cilat aktualisht janë të kufizuara ose inekzistente në tregjet lokale”, ka thënë Totaj.
Marketing
Ndërmarrja “3D-Fesali” në Prizren, partneri më i besueshëm për çdo projekt ndërtimi
