Organizata e shoqërisë civile “Fushata e Emblemës së Shtypit” (PEC), me qendër në Gjenevë ka bërë të ditur se vetëm në gjashtë muajt e parë të këtij viti, janë vrarë 71 gazetarë në 24 vende të ndryshme të botës, raporton Anadolu Agency (AA).
Sipas raportit të PEC për 2014, në krahasim me gjashtë muajt e parë të vitit të kaluar ka një rritje me 7% në vdekjet e gazetarëve, ku Lindja e Mesme kryeson duke shënuar 24 gazetarë të vrarë si rezultat pas sulmeve terroriste.
Në raport thuhet se Lindja e Mesme dhe Afrika Veriore janë rajonet më vdekjeprurëse. Në gjysmën e parë të vitit janë vrarë 23 gazetarë, prej tyre 8 në Libi, 6 në Jemen, 6 në Irak 6, 2 në Siri dhe 1 në Gaza.
Pas tyre, sipas raportit radhitet Amerika Latine dhe Meksika me nga 4, Honduras, Guatemala dhe Brazili me nga 3, Kolumbia 2, Paraguai dhe Republika Dominikane me nga 1 gazetarë të vrarë me një total 17 gazetarë.
Ndërsa rajoni i 3-të më i rrezikshëm për gazetarët në 6 muajt e parë të viti u vlerësua Evropa, ku këtë vit deri tani në Francë pas sulmit ndaj “Charlie Hebdo” u vranë 8 gazetarë, në konfliktet e vazhdueshme në Ukrainë 4 dhe në Poloni 1 me një total prej 13 gazetarësh të vrarë.
Ndërsa në Kontinentin Afrikan janë vrarë 9 gazetarë, në Sudanin Jugor 6, Somali, Kenia dhe në Republikën Demokratike të Kongos nga 1 gazetarë.
Në kontinentin e Azisë gjithsej janë vrarë 9 gazetarë, ku në Filipine 3 gazetarë, Indi dhe Pakistan me nga 2 dhe në Afganistan dhe në Indonezi nga 1 gazetarë.
PEC vitin e kaluar kishte njoftuar se në të gjithë botën ishin vrarë 138 gazetarë në 32 shtete dhe 16 prej tyre gjatë sulmeve izraelite ndaj Gazës.