Një këngëtar dhe aktor amerikan i cili kaloi pjesën më të madhe të jetës së tij në Britani, është gjetur i vdekur në shtëpinë e tij në Spanjë.
Sipas Daily Mail, trupi i Al Matthews u zbulua në jug të Spanjës mbrëmjen e së shtunës rreth orës 22.30.
Një fqinj e gjeti atë pa ndjenja dhe thirri policinë, por mjekët konstatuan se Matthews kishte ndërruar jetë në vendngjarje.
75-vjeçari, i cili u shpërngul në Spanjë nga Britania e Madhe disa vite më parë, ishte i njohur për rolin e tij në filmin Alienët nga James Cameroon në vitin 1986.
Matthews gjithashtu performoi në filmin Superman III në vitin 1983.
Raportet mjekësore thanë se aktori vuante nga disa sëmundje të rënda dhe nuk kishte shenja dhune në trup. Megjithatë një autopsi do të zhvillohet për të përcaktuar shkakun e saktë të vdekjes./tvklan.al
